მარგველაშვილი: არჩევნები არის მცდელობა, რომ ჩვენ უკეთესი ხელისუფლება გვყავდეს

2016-09-17 20:50:10, 744 ნახვა

პოლიტიკა

არჩევნები არის მცდელობა, რომ ჩვენ უკეთესი ხელისუფლება გვყავდეს, - ამის შესახებ საქართველოს პრეზიდენტმა გიორგი მარგველაშვილმა ტელეკომპანია "პირველის" ეთერში განაცხადა.

როგორც პრეზიდენტმა აღნიშნა, საზოგადოება არჩევნებს უყურებს, როგორც სიკვდილ-სიცოცხლის ბრძოლას.

”ჩვენ შევეჩვიეთ, რომ არჩევნებს ვუყურებთ, როგორც კატასტროფულ მოვლენას, გადავრჩებით თუ არა, ვუყურებთ როგორც სიკვდილ-სიცოცხლის ბრძოლას და ამ დროს არჩევნები არის მცდელობა, რომ ჩვენ უკეთესი ხელისუფლება გვყავდეს”, - განაცხადა გიორგი მარგველაშვილმა.

პრეზიდენტმა ასევე მიხეილ სააკაშვილთან დაკავშირებითსაც ისაუბრა და აღნიშნა, რომ "როდესაც მეგობარი ქვეყნის თანამდებობის პირი აგრესიული რიტორიკითაა ჩართული ქართულ პოლიტიკაში, პოზიტიური არ არის".

”მე ვფიქრობ, რომ უკრაინულ-ქართული ურთიერთობებისთვისაც ეს პრობლემურია. რა თქმა უნდა, იმიტომ, რომ ის არის ჩვენი სტრატეგიული, მეგობარი ქვეყნის მაღალი თანამდებობის პირი და იმიტომ, რომ არსებობს სამართალდამცავების მიერ დასმული კითხვები, რომლებსაც მან არ უპასუხა. ეს თავისთავად დაძაბულობის შემომტანია. ამ დაძაბულობის შემოტანა არ არის საჭირო”, - განაცხადა მარგველაშვილმა.