10-წლიანი შესვენების შემდეგ, წყალტუბოში პროგრამა "ახალგაზრდული პარლამენტი" განახლდა.

ახალგაზრდულ პარლამენტი წყალტუბოს ყველა თემიდან ახალგაზრდებით, წარჩინებული მოსწავლეებითა და სტუდენტებით არის დაკომპლექტებული. პირველი შეხვედრა პროგრამის ფარგლებში ახალგაზრდული პარლამენტის ყოფილ წევრებთან გაიმართა. მათ შორის იყო "ქართული ოცნება–დემოკრატიული საქართველოს" მაჟორიტარი დეპუტატობის კანდიდატი ცოტნე ზურაბიანიც.

"ჩემს დროს ახალგაზრდული პარლამენტი იყო ძალიან აქტიური. სკოლის დატვირთულ რეჟიმთან ერთად, ბევრ საინტერესო პროგრამას ვახორციელებდით. პარლამენტში ყოფნის პერიოდმა მომცა ის უნარ–ჩვევები, რომლებიც აუცილებელია საზოგადოებასთან ურთიერთობისთვის. დარწმუნებული ვარ, რომ ეს პარლამენტი იქნება უკეთესი, ვიდრე ჩვენი იყო წლების წინ“, - აღნიშნა ცოტნე ზურაბიანმა.

პროგრამის "ახალგაზრდული პარლამენტი" მიზანია ახალგაზრდებისთვის დემოკრტიული ფასეულობების ჩამოყალიბება, ლიდერის თვისებების გამომუშავება. პროგრამის ფარგლებში მონაწილეები გამართავენ საგანმანათლებლო და შემეცნებით ღონისძიებებს წყალტუბოს მასშტაბით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს

უნგრეთის პარლამენტზე 12 წლის შემდეგ ევროკავშირის დროშა გადმოფინეს

ჟურნალისტი გელა მთივლიშვილი წერს, რომ თავს დაესხნენ