წინასაარჩევნო კამპანიის ფარგლებში, პარტია“ქართული ოცნება- დემოკრატიული საქართველოს” მაჟორიტარი დეპუტატობის კანდიდატი გურამ მაჭარაშვილი ამჯერად ყვარელის მუნიციპალიტეტში ადგილობრივ მეწარმეებს შეხვდა.

დეპუტატობის კანდიდატმა ახალსოფელში არსებული ხის საამქროს, შპს „ალკამარის“, თხილის გადამამუშავებელი საწარმოს , სოფელ თივის მიმდებარედ არსებული ღვინის ქარხნისა და შპს „ქინძმარაული მარანის“ ხელმძღვანელებსა და თანამშრომლებს მეწარმოების განვითარების სახელმწიფო პროგრამების შესახებ მიაწოდა ინფორმაცია.

 გურამ მაჭარაშვილმა მეწარმეებს მადლობა გადაუხადა ქვეყნის ეკონომიკის და სოციალური მდგომარეობის გაუმჯობესებაში შეტანილი წვლილისთვის და აღნიშნა, რომ სახელმწიფოსთვის მთავარ პრიორიტეტს სწორედ ბიზნესის ხელშეწყობა წარმოადგენს. „ხელისუფლება ცდილობს ახალი ბაზრების ათვისებას. თქვენ იცით, ჩინეთის მხარესთან გაფორმებული ხელშეკრულების ფარგლებში შესაძლებელია, საქართველოში წარმოებული პროდუქციის დამატებითი გადასახადების გარეშე ჩინურ ბაზარზე გატანა. მიმდინარეობს ევროპის ბაზრების ათვისების პროცესი“,- აღნიშნა დეპუტატობის კანდიდატმა.

გურამ მაჭარაშვილის თქმით, მომდევნო წლებში საქართველოში მნიშვნელოვანი ინფრასტრუქტურული პროექტები განხორციელდება, რაც პირდაპირ კავშირშია ბიზნესის ხელშეწყობასა და ეკონომიკის განვითარებასთან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს