ორივე მხარე დამნაშავეა ადამიანურად მესმის, როდესაც ვინმეს მიმართ უარყოფითი დამოკიდებულება გაქვს, ძნელია ემოციები მოთოკო. აქ სასჯელი გამოსავალი არაა. ეს ადამიანები უნდა დავაშორიშოროთ, - ასე გამოეხმაურა პარტია „ქართული ოცნების“ წევრი გედევან ფოფხაძე გუშინ სოფელ გამარჯვებაში მომხდარ ინიდენტს.

ამასთნ, „ექსპრესნიუსთან“ საუბრისას ფოფხაძემ განაცხადა, რომ თუ სასჯელზე მიდგება საქმე, მაშინ არასწორია. „ნაციონალური მოზრაობის“ წევრებს მკაცრი სასჯელი ეკუთვნოდათ იმისთვის, რასაც 2012 წლამდე აკეთებდნენ.

„ვფიქრობ, დაპირისპირებისას დამნაშავესა და დაზარალებულზე საუბარი არასწორია. ორივე მხარე დამნაშავეა და ჩვენი ამოცანა ამ ადმაიანების დაშორიშორებაა. გასაგებია, რომ ორივე მხარეს რადიკალურად განსხვავებული პოზიციები და ღირებულებები გვაქვს, მაგრამ ამან დაპირისპირება არ უნდა გამოიწვიოს. დამნაშავეებზე საუბარი არ მინდა. უბრალოდ, ყველაფერი უნდა გაკეთდეს, რომ კონფლიქტი არ მოხდეს. ორივე მხარეში ის რესურსი უნდა გამოიძებნოს, რომლითაც ემოციებს ვმართავთ. ადამიანურად მესმის, როდესაც ვინმეს მიმართ უარყოფითი დამოკიდებულება გაქვს, ძნელია ემოციები მოთოკო. აქ სასჯელი გამოსავალი არაა. ეს ადამიანები უნდა დავაშორიშოროთ. გიორგი კვირიკაშვილის პოზიცია, ამ საკითხის მიმართ ძალიან ლოიალურია. პატარა ერი ვართ და ერთმანეთთან დაპირისპირება განსვავებული შეხედულებების გამო არასწორია. „ნაციონალური მოზრაობის“ წევრებს მკაცრი სასჯელი ეკუთვნოდათ იმისთვის, რასაც 2012 წლამდე აკეთებდნენ, მაგრამ არავინ არ დასჯილა. ჩვენი და მათი მხრიდან უნდა მოხდეს აღიარება, რომ ემოციური დაპირისპირებაა, მაგრამ ეს ფონი არ უნდა გაღრმავდეს“, - განაცხადა ფოფხაძემ.

ცნობისთვის, გუშინ ნუგზარ წიკლაურმა ბრიფინგზე აღნიშნა, რომ „ქართული ოცნების“ აქტივისტები თავს დაესხნენ შტაბის თანამშრომელს და ადგილზე ნაცემია ორი ადამიანი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს