„ქართული ოცნება - დემოკრატიული საქართველოს“ მაჟორიტარი დეპუტატობის კანდიდატი ნინო წილოსანი მოსახლეობასთან შეხვედრებს განაგრძობს. 

დეპუტატობის კანდიდატმა შეხვედრები ლანჩხუთის მუნიციპალიტეტის ჩოჩხათის ტერიტორიულ ერთეულში გამართა, დასკვნითი შეხვედრა ჩოჩხათის ცენტრში გაიმართა. ნინო წილოსანის მოსახლეობასთან შეხვედრას მოქმედი პარლამენტარები თემურ ჩხაიძე და ბიძინა გუჯაბიძე, ასევე, ყოფილი პარლამენტარი ჩოჩხათის მკვიდრი ომარ ხუციშვილი დაესწრო. 

დეპუტატობის კანდიდატმა მოსახლეობასთან შეხვედრისას მათი პრობლემები მოისმინა. ნინო წილოსანმა ამომრჩეველს სიტყვით მიმართა: 

„მე ვარ ამაყი, რომ ვარ ამ კუთხის შვილი . ჩემს ოჯახში ტრადიციაა და ბავშვობიდან მასწავლიდნენ ჩემი სოფლის, კუთხის და ზოგადად ადამიანების სიყვარულს . მე ვიქნები თქვენი ხმა პარლამენტში. რატომ გადავწვიტე მაჟორიტარობა? მე არ მჭირდება თანამდებობა, მე მინდა დავეხმარო ჩემს კუთხეს, ჩემს ხალხს, სხვა მიზანი არ მამოძრავებს. რატომ უნდა მომცეთ ხმა? იმიტომ, რომ მე წარმოვადგენ მმართველ ძალას „ქართულ ოცნებას“, რომელსაც შეუძლია თქვენი პრობლემების გადაწყვეტა“,-განაცხადა წილოსანმა. დღესვე, ნინო წილოსანმა სოფელ მოედანში მდებარე ის სახლები დაათვალიერა, რომლებიც კარიერზე ჩატარებული სამუშაოების შედეგად ავარიულ მდგომარეობაშია. ნინო წილოსანმა მოსახლეობას დახმარება აღუთქვა. „ მე მტკივა ყველა თქვენგანის ტკივილი. ყველაფერს გავაკეთებ, რომ პრობლემების მოგვარებაში დაგეხმაროთ“,-აღნიშნა წილოსანმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს