2016-09-16 16:38:01, 1347 ნახვა
სამართალი
შსს-ში პაატა ბურჭულაძის დაკითხვა მიმდინარეობს
"მოძრაობა სახელმწიფო ხალხისთვის" ლიდერი პაატა ბურჭულაძე შინაგან საქმეთა სამინისტროში მივიდა. როგორც ადგილიდან "ექსპრესნიუსის" ჟურნალისტი იუწყება, ამ წუთებში ბურჭულაძის დაკითხვა მიმდინარეობს.
დაკითხვაზე ასევე დაბარებულია სამაუწყებლო კომპანია "რუსთავი 2-ის" გენერალური დირექტორი ნიკა გვარამია. მისი დაკითხვა შსს-ში 18:00 საათისთვისაა ჩანიშნული.
შეგახსენებთ, გვარამიასა და ბურჭულაძის დაკითხვა იმ სისხლის სამართლის საქმეზე მოხდება, რომელიც შინაგან საქმეთა სამინისტრომ „რუსთავი 2“-ის გენერალური დირექტორისა და „მოძრაობა სახელმწიფო ხალხისთვის“ სატელეფონო საუბრის უკანონოდ მოპოვება-გავრცელების ფაქტზე აღძრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
