2016-09-15 17:52:27, 688 ნახვა
პოლიტიკა
იმერლიშვილის განცხადებით, უშიშროების საბჭოს სხდომაზე მის შემცვლელთან დაკავშირებით არ უმსჯელიათ
ეროვნული უშიშროების საბჭოს მდივნის ირინე იმერლიშვილის განცხადებით, საბჭოს სხდომაზე მის შემცვლელთან დაკავშირებით არ უმსჯელიათ.
იმერლიშვილის თქმით, ეროვნული უშიშროების საბჭოს მდივნის დანიშვნა, ექსკლუზიურად საქართველოს პრეზიდენტის გადასაწყვეტია.
იმერლიშვილის განმარტებით, როგორც მისთვის ცნობილია, უშიშროების საბჭოს მომავალ მდივანთან დაკავშირებით, პრეზიდენტს გადაწყვეტილება ჯერ არ მიუღია.
„უშიშროების საბჭოს მდივანი ვარ მანამდე, სანამ არ დავდებ ფიცს საკონსტიტუციო სასამართლოში, როგორც მოსამართლე. პრეზიდენტს ჩემს შემცვლელთან დაკავშირებით ჩემთან კონსულტაციები ჯერ არ ჰქონია“,-აღნიშნა იმერლიშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
