ბათუმის საერთაშორისო კინო ფესტივალის BIAFF საკონკურსო პროგრამა და ჟიურის შემადგენლობა უკვე ცნობილია.

აჭარის ტურიზმის დეპარტამენტის ინფორმაციით, კინოფესტივალზე, რომელიც 18-25 სექტემბერს ბათუმში მეთერთმეტედ გაიმართება 40 სრულმეტრაჟიანი და 40 მოკლემეტრაჟიანი ფილმი 30 ქვეყნიდან იქნება წარმოდგენილი.  

მათივე ინფორმაციით, ფილმები სამ სექციაში იქნება ნაჩვენები (მხატვრული, დოკუმენტური, მოკლემეტრაჟიანი) და თითოეულ სექციას 5-5 კაციანი ჟიურის შემადგენლობა შეაფასებს.

საკონკურსო ფილმებს შორის მოხვდა ბერლინის საერთაშორისო კინოფესტივალის მონაწილე მხატვრული ფილმები „სიკვდილი სარაევოში“ და სიყვარულის შეერთებული შტატები“, ასევე ლოკარნოს კინოფესტივალის პრიზიორი ფილმი «უღმერთო“. დოკუმენტური ფილმებიდან აღსაღნიშნავია ორჰან ფამუქის თემატიკაზე გადაღებული ფილმი „მოგონებათა უმანკოება“, ავღანეთში გადაღებული ფილმი „განათლებული მიწა“ და ბათუმში გადაღებული ფილმი „ლტოლვილი გემი „ენგური“.  რეჟისორებს შორის არიან რებეკა ლენკიევიჩი - 2015 წლის ოსკაროსანი ფილმის „იდას“ სცენარისტი, მარინა რაზბეშკინა - ცნობილი დოკუმენტალისტი და რუსეთში დოკუმენტური კინოსკოლის დირექტორი, ასევე ოდესის საერთაშორისო კინოფესტივალის დირექტორი იულია სინკევიჩი.

კინოფესტივალ BIAFF-ის ორგანიზატორია ბათუმის ხელოვანთა სახლი „არგანი“, ოფიციალური პარტნიორი კი ბათუმის მერია. ფესტივალი ბათუმში 2016 წლიდან იმართება და ის ნამდვილი დღესასწაულია კინომოყვარულთათვის.

კინოფესტივალის შესახებ ინფორმაციის მიღება შესაძლებელია ვებ-გვერდზე http://www.biaff.org.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს