ივანიშვილი: ჩვენ ვართ ევროპელები და ეს უნდა დავამტკიცოთ ამ არჩევნებზე

2016-09-08 13:25:27, 770 ნახვა

პოლიტიკა

ყოფილი პრემიერ-მინისტრის ბიძინა ივანიშვილის განცხადებით, საქართველოს ევროატლანტიკურ არჩევანს ალტერნატივა არ გააჩნია.

ამის შესახებ ივანიშვილმა GDS-ის ახალ გადაცემაში კითხვის საპასუხოდ განაცხადა. ჟურნალისტი დაინტერესდა, სად ხედავდა ივანიშვილი ქვეყნის ნათელ მომავალს.

„ჩვენ ევროპელები ვართ. რუსეთმა უნდა გამოკვეთოს, რა სურს. ერთადერთი არჩევანი ევროპაა, არ ყავს ალეტრნატივა. ესაა სწორი მიმართულება. უნდა დავაფუძნოთ ევროპული ღირებულებები, რომ ევროპელებს მოუნდეთ ჩვენთან თანაცხოვრობა, ვფიქრობ, ამის რესურსი გაგვაჩნია და ჩვენ ამას აუცილებლად მოვახერხებთ“,-განაცხადა ბიძინა ივანიშვილმა და დასძინა, რომ ევროპელობა ქართულმა საზოგადოებამ არჩევნებზე უნდა დაამტკიცოს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან