საქართველოს პირველმა ვიცე-პრემიერმა და ეკონომიკის მინისტრმა დიმიტრი ქუმსიშვილმა მთავრობის სახელით  ბიზნესის წარმომადგენლებს მადლობა გადაუხადა.

როგორც ქუმსიშვილმა განმარტა,  კერძო სექტორმა 2016 წლის მეორე კვარტალში 2015 წლის პირველ კვარტალთან შედარებით 32 500 ადამიანით მეტი დაასაქმა, რაც 5,7%-იანი ზრდაა.

„დღეის მდგომარეობით, სტატისტიკის დეპარტამენტის ინფორმაციით, კერძო სექტორში ჩვენ გვყავს 601 ათასი ადამიანი დასაქმებული, თუმცა მინდა აღვნიშნო, რომ განსაკუთრებული ზრდა ჩვენ გვქონდა მცირე საწარმოებში 12, 8 პროცენტიანი ზრდა ეს არი 16823 ადამიანი. ეს არი შედარება 2015 წლისა და 2016 წლის მეორე კვარტლებს შორის და 148 374 ადამიანი არის დასაქმებული მცირე საწარმოებში. ზრდა გვქონდა მსხვილ საწარმობში 7,3 პროცენტიანი ზრდა ეს არის 24 896 ადამიანი და მსხვილ საწარმოებში დღეს არი დასაქმებული 365861 ადამიანი, ხოლო საშუალო საწარმოებში დასაქმებულია 86000 ადამიანი. მთლიან დასაქმებულებში ლიდერობს ვაჭრობა. აქ არის 25,5  პროცენტი, რომელსაც მოყვება მრეწველობა 18,7%, ჯანდაცვა 10,3% “,- აღნიშნა ქუმსიშვილმა.

მისივე თქმით,  საშუალო თვიურმა ხელფასმა, რაც არის ბიზნეს სექტორში,  978 ლარი შეადგინა, რაც 14,8%-იანი ზრდაა.

„2015 წლის პირველ კვარტალთან შედარებით, 2016 წლის მეორე კვარტალში დასაქმებულთა შრომის ანაზღაურების ყველაზე მაღალი 6.9%-იანი ზრდა დაფიქსირდა მცირე საწარმოებში, რაც ჩვენთვის ძალიან მნიშვნელოვანია,. მინდა ბიზნესს საქართველოს მთავრობის სახელით მადლობა გადავუხადო“’- განაცხადა ეკონომიკის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება