საქართველოში სომხეთის საელჩო აფხაზეთის დე ფაქტო რესპუბლიკის წარმომადგელების სომხეთის პრეზიდენტთან შეხვედრის შესახებ გავრცელებულ ინფორმაციაზე განცხადებას ავრცელებს.

როგორც საელჩოს  განცხადებაშია ნათქვამი, სომხეთი საქართველოს პოზიციას აფხაზეთსა და სამხრეთ ოსეთთან დაკავშირებით ყოველთვის ითვალისწინებდა და ამ პოლიტიკას უცვლელად განაგრძობს.

„ექსპრესნიუსი“ განცხადებას უცვლელად გთავაზობთ:

"სომხეთი ყოველთვის ითვალისწინებდა საქართველოს პოზიციას აფხაზეთსა და სამხრეთ ოსეთთან დაკავშირებით და ამ პოლიტიკას უცვლელად განაგრძობს.

სტეფანაკერტში სომხეთის რესპუბლიკის პრეზიდენტსა და ბატონ კან ტანიას შორის შესაძლო შეხვედრის შესახებ, მითუმეტეს, საუბრისა და მოლაპარაკებების შესახებ მედიით გავრცელებული ინფორმაცია სიმართლეს არ შეესაბამება", - ნათქვამია სომხეთის საელჩოს განცხადებაში.

შეგახსენებთ, რომ გუშინ სოციალურ ქსელში გავრცელდა ინფორმაცია, რომ ოკუპირებული აფხაზეთის დელეგაცია არაღიარებული მთიანი ყარაბაღის რესპუბლიკაში საზეიმო ღონისძიებას სომხეთის პრეზიდენტ სერჟ სარგსიანთან ერთად დაესწრო.

შესაბამისი ინფორმაცია და ფოტო აფხაზეთის ე.წ.საგარეო საქმეთა მინისტრის მოადგილემ, კან ტანიამ გაავრცელა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი იმედოვნებს, რომ უკრაინასა და რუსეთს შორის ცეცხლის შეწყვეტის შეთანხმება 11 მაისის შემდეგ გაგრძელდება

9 მაისი ევროპის დღეა - ექსპო-ჯორჯიაში ევროკავშირის 27 წევრი ქვეყნა გამოფენებებს აწყობს

აშშ-მ სანქციები დაუწესა იმ ფიზიკურ და იურიდიულ პირებს, რომლებიც ირანს „შაჰედის“ წარმოებაში ეხმარებიან

პაპუაშვილი - ვერ მივიღებთ ჩვენი ისტორიის გადაწერისკენ მიმართულ კამპანიებს, ეს დევს მოწოდებებში, რომ 9 მაისი აღინიშნოს 8 მაისს, 9 მაისი „რუსულია“, რვა - „ევროპული“, ეს არჩევანი ყალბია