ვალერი კვარაცხელია  მისი პარტიის  „კვარაცხელია-სოციალისტების“ რეგისტრაციიდან მოხსნის ფაქტს ეხმაურება.

როგორც კვარაცხელიამ "ექსპრესნიუსს" განუცხადა, აღნიშნული გადაწყვეტილება არა ცენტრალურმა საარჩევნო კომისიამ, არამედ ამერიკის შეერთებულმა შტატებმა მიიღო.

ვალერი კვარაცხელია ბრძოლის შეწყვეტას არ აპირებს, პირიქით, ამბობს, რომ ყველაფერი ახლა იწყება. კვარაცხელია გორში კენჭს მაინც იყრის და დარწმუნებულია, რომ "ამ უსამართლო გადაწყვეტილებას გორის მოსახლეობა პასუხს გასცემს":

"ეს არ არის ცესკო-ს გადაწყვეტილება, ცესკო-მ სხვა  გადაწყვეტილება მიიღო. ცესკო-მ  დაარეგისტრირა პარტია "ნეიტრალური საქართველო", მაგრამ დაავალეს შემდეგ, შეეცვალათ ეს გადაწყვეტილება. ეს არის აშშ-ის გადაწყვეტილება, ეს არის ამერიკული დემოკრატიის მიერ, ქართველი ხალხის იმ ნაწილისათვის, რომელსაც უნდა რუსეთთან  მეგობრობა, პარტნიორობა, კეთილმეზობლობა, სახეში შეფურთხება, სილის გაწნა და ა.შ.  ვფიქრობ,  ამით ბრძოლა არ დამთავრებულა, ბრძოლა იწყება. ვერაფერი შემაჩერებს, გამოვხატავდე იმ აზრს, რომელიც  ქართველი ხალხის დიდ უმრავლესობას აქვს. ვერაფერი შემაჩერებს, გარდა სიკვდილისა და შესაძლებელია, სიკვდილმაც კი ვერ შემაჩეროს. ასე რომ, არაფერი დამთავრებულა, ყველაფერი იწყება. ამ უსინდისო გადაწყვეტილებას პასუხს გასცემს გორის მოსახლეობა, მოსახლეობა, რომელსაც ჩემთან ერთად გააწნეს სილა. გორში მაინც ვიყრი კენჭს და ვნახოთ, რა გადაწყვეტილებას მიიღებს გორის მოსახლეობა",-აღნიშნა ვალერი კვარაცხელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოიგებს თუ არა კვარაცხელია ოქროს ბურთს? | მოლოდინები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.