„რესპუბლიკური პარტიის“ წევრი ლევან ბერძენიშვილი „ექსპრესნიუსთან“ საუბრისას საკონსტიტუციო სასამართლოს ირგვლის არსებულ ვითარებას აფასებს და აცხადებს, რომ ინსტიტუტი ამჟამინდელი და ყოფილი მმართველი გუნდისგან ირიბ ზეწოლას განიცდის.

„საკონსტიტუციო სასამართლოზე ირიბი ზეწოლა მმართველი გუნდისგან და ყოფილი მმართველი გუნდისგანაც ხორციელდება. ცუდია, რომ ეს ინსტიტუტი ზეწოლას ექვემდებარება. თუმცა, ეს პირდაპირი ზეწოლა არ არის. მოსამართლეებს ყველა საშუალება აქვთ, რომ ამ ზეწოლას გაუძლონ და რაც მთავარია, ეს გამოხატონ საკუთარ გადაწყვეტილებბებში გამოხატონ და არა პირდაპირ ეთერში. ეს ყოველივე ძლაიან დაბლა სწევს ამ ინსტიტუტის ღირსებას. მოსამართლეები რომ ყოველდღე ჟურნალისტებთან ლაპარაკობენ, ეს საკონსტიტუციო სასამართლოს პრესტიჟის ამაღლებას არ ემსახურება. გარდა ამისა, პოლიტიკოსები არ უნდა აკეთებდნენ მსგავს განცხადებებს. თუ ვინმემ რამე დააშავა, ამისთვის შესაბამისი ორგანოები არსებობს“, - განაცხადა ბერძენიშვილმა

შეგახსენებთ, რომ მმართველი გუნდი საკონსტიტუციო სასამართლოს თავმჯდომარეს ნაციონალური მოძრაობის დაკვეთის შესრულებაში ადანაშაულებს. ქართულ ოცნებაში გიორგი პაპუაშვილსა და ოპოზიციას პლენუმის სხვა წევრების დისკრედიტაციის მცდელობაში სდებენ ბრალ

თავის მხრივ, საკონსტიტუციო სასამართლოს თავმჯდომარემ გიორგი პაპუაშვილმა განცხადება გაავრცელა და მმართველი გუნდი სასამართლოზე უპრეცედენტო ზეწოლაში დაადანაშაულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ