ცენტრალური საარჩევნო კომისია პოლიტიკური სუბიექტებისთვის საარჩევნო ნომრების მინიჭებაზე მსჯელობს.

სხდომას საარჩევნო კომისიის წევრი პარტიების წარმომადგენლებიც ესწრებიან, ხოლო პარტიების ზოგიერთ წარმომადგენელს სხდომაზე დასწრების უფლება არ მისცეს, რადგან ისინი წევრები არ არიან და არც შესაბამისი აკრედიტაცია გააჩნიათ. 

ცნობისთვის, "ახალი მემარჯვენეები" და "პატრიოტთა ალიანსი" ითხოვს, რომ საარჩევნო ნომრის მინიჭებაზე წილისყრა არ ჩატარდეს. აღნიშული პარტიების წარმომადგენლების თქმით, მათ უკვე მინიჭებული აქვთ 2014 წელს ადგილობრივი არჩევნების შედეგად საარჩევნო ნომერი და გასულ წლებშიც ამ ნომრით იღებდნენ არჩევნებში მონაწილეობას.

"რესპუბლიკური პარტიის" წევრები კი ითხოვენ სწორედ წილისყრით მოხდეს საარჩევნო ნომრების მინიჭება, წინააღმდეგ შემთხვევაში პარტიები არათანაბარ პირობებში აღმოჩნდებიან. 

შეგახსენებთ, რომ “რესპუბლიკური პარტიის“ ინფორმაციით, დღეს ცენტრალური საარჩევნო კომისია გეგმავს, მიკერძოებულად, წილისყრის გარეშე რიგი პოლიტიკური პარტიებისთვის საარჩევნო ნომრების მინიჭებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ