ნუგზარ წიკლაური სოფელ ქვემო თელეთის მოსახლეობას შეხვდა

2016-08-20 15:39:10, 763 ნახვა

პოლიტიკა

ერთიანი ნაციონალური მოძრაობის თეთრიწყაროს მაჟორიტარი დეპუტატობის კანდიდატი ნუგზარ წიკლაური მოსახლეობასთან შეხვედრებს განაგრძობს.

კანდიდატი ქვემო თელეთის მოსახლეობას შეხვდა და მათთან ერთად აქ არსებული პრობლემების გადაჭრის გზებზე ისაუბრა.

”ნაციონალური მოძრაობის” ინფორმაციით, ისევე, როგორც სხვა შემთხვევებში, ადგილობრივების ძირითად და წლების განმავლობაში მოუგვარებელ პრობლემას აქაც სასმელი და სარწყავი წყალი, მოუწესრიგებელი შიდა გზები, ასევე, ნაგვის ბუნკერების არ არსებობა წარმოადგენს.

წიკლაური იმყოფებოდა კოდაშიც, სადაც ადგილობრივების თქმით, 2012 წლის შემდეგ ყველა დაწყებული პროექტი გაჩერდა, უკვე განხორციელებული კი, რომელიც ნაციონალური მოძრაობის მმართველობის პერიოდში გაკეთდა, მიტოვებულია. მაგალითისთვის მოსახლეობას ვასილ ბარნოვის სახელობის სკვერი და ფეხბურთის მოედანი მოჰყავს, რომელიც დაზიანებულია, გარე განათების ბოძები კი არ არსებობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან