სახელმწიფო უსაფრთხოების სამსახური პარტიის „პაატა ბურჭულაძე - სახელმწიფო ხალხისთვის“ წევრის მიერ გავრცელებულ ინფორმაციას არ ადასტურებს. როგორც "ექსპრესნიუსს" სუს-ში განუცხადეს,  მათი მხრიდან ჩარევის, ან ზეწოლის ფაქტს ადგილი არ ჰქნონია.

შეგახსენებთ,  პარტია „პაატა ბურჭულაძე - სახელმწიფო ხალხისთვის“ წევრმა მერაბ მეტრეველმა პრესკონფერენციაზე პარტიიდან წასული წევრების შესახებ ისაუბრა და განაცხადა, რომ სუს-ის ერთ-ერთი გაზეთისა და ხელისუფლების მიერ ფორმირებული პიარ ჯგუფისგან  მოხდა ბინძური შეტევა მათი პარტიის წინააღმდეგ. 

"მათი პირადი ძალისხმევით ჩვენს პოლიტიკურ ორგანიზაციას გადაეკეტა რამდენიმე ლეგალური საფინანსო არხი. თუმცა, ყველა არხის გადაკეტვა ვერ მოხერხდა, რადგან ვხედავთ, რომ ქვეყანაში ჯერ კიდევ არიან ადამიანები, რომლებიც არ მოექცნენ ფინანსური და ფიზიკური წნეხის ქვეშ. ჩვენ ვართ ძლიერი გუნდი, გამბედავი ადამიანები და მიუხედავად სუს-ის ძალისხმევისა, ჩვენ მოვიგებთ არჩევნებს. არჩევნებში გამარჯვების შემთხვევაში პასუხი გაეცემა ყველა უკანონო ქმედებას”, - განაცხადა მეტრეველმა.

ინფორმაციისთვის, დღეს პარტია „პაატა ბურჭულაძე - სახელმწიფო ხალხისთვის“ ბათუმის ახალგაზრდული ფრთის წევრებმა და თბილისის ნავთლუღის მეათე საარჩევნო ოლქის 25-მა წევრმა დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს