„ქართული ოცნება-დემოკრატიული საქართველოს" ვანისა და ხონის გაერთიანებული საარჩევნო ოლქის მაჟორიტარი დეპუტატობის კანდიდატი გრიგოლ ლილუაშვილი ხონის მუნიციპალიტეტში მოსახლეობას შეხვდა და ადგილობრივებს სხვდასხვა საკითხზე, მათ შორის, სოფლის მეურნეობასა და რეგიონის ეკონომიკური მდგომარეობის გაძლიერებასთან დაკავშირებით საკუთარი ხედვები გააცნო.

მაჟორიტარი დეპუტატობის კანდიდატმა ჩაის კულტურაზე ისაუბრა და განმარტა, რომ სახელმწიფო ჩაის პლანტაციის დამუშავების მსურველს ფინანსურად ხელს შეუწყობს, მოწეულ ნედლეულს კი სპეციალური მიმღები  პუნქტები ჩაიბარებენ; მიღებული შემოსავალი მოსახლეობის ეკონომიკურ მდგომარეობას მკვეთრად გააუმჯობესებს.

გრიგოლ ლილუაშვილმა ყურადღება მიწის უფასო რეგისრაციაზეც გაამახვილა და აღნიშნა, რომ პროექტი სოფლის მოსახლეობის კეთილდღეობაზეა მორგებული,  რადგან მათ პირველად მიეცათ საშუალება, ნაკვეთები სრულიად უსასყიდლოდ  დაიკანონონ.

„ხელისუფლებისთვის ერთ-ერთი პრიორიტეტი სოფლის მეურნეობის  განვითარებაა; მთავრობამ ამ მიმართულებით 1 მილიარდ ლარზე მეტი დახარჯა. ამოქმედდა აგრო  დაზღვევის პროგრამა; ამ პროგრამამ 115 მილიონი ლარის ღირებულების მოსავალი  დააზღვია. სახელმწიფოს ხელშეწყობით მოხერდა 1500-მდე ახალი სასოფლო-სამეურნეო კოოპერატივის შექმნა. ჩვენ ყველაფერს ვაკეთებთ იმისთვის, რომ სოფელი იყოს გამართული და ძლიერი," - განაცხადა ვანისა და ხონის გაერთიანებული საარჩევნო ოლქის მაჟორიტარი დეპუტატობის კანდიდატმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ

სამადაშვილი - რუსების მოკავშირე ავტოკრატია დაემხო სერბეთში. რუსეთმა და ივანიშვილის რეჟიმმა კიდევ ერთი მოკავშირე დაკარგა

transparency international - ოცნება სულ მცირე 800 000 მოქალაქეს პოლიტიკური არჩევანის გარეშე დატოვებს

თაღლითურად დაეუფლნენ სახელმწიფოს ₾1 025 719-ის მიწის ნაკვეთებს – 13 პირს ბრალი წარედგინა