მეთიუ ბრაიზას ვერ დავეთანხმები, რომ აგვისტოს ომის  შემდეგ საქართველოს ნატოსთან  ინტეგრაციული პროცესები შეჩერდა,  – ასე აფასებს  „ერთიანი ნაციონალური მოძრაობის“ ერთ–ერთი ლიდერი  გიგი წერეთელი  აშშ-ს სახელმწიფო მდივნის ყოფილი  მეორე მოადგილის  განცხადებას, რომელმაც აღნიშნა, რომ „აგვისტოს ომის შემდეგ დასავლეთისკენ საქართველოს სწრაფვის ინტენსიურობა შემცირდა”.

„რუსეთის ხელისუფლებამ 2008 წელს  საომარი მოქმედებებით საქართველოს ნატოსკენ სვლა დროებით შეაჩერა. ომიდან ერთი წლის მანძილზე ჩვენ რეაბილიტაციის პერიოდი გვქონდა. დასავლეთმა სერიოზული დახმარება გაგვიწია. ეს იყო ქვეყნის ეკონომიკის ფეხზე დაყენება. თუმცა მომდევნო წელს ქვეყნის ეკონომიკამ 2–3 ჯერ უკეთ დაიწყო განვითარება ვიდრე ეს არის დღეს“, – განაცხადა წერეთელმა.

მისი თქმით  საქართველო 2012 წლამდე ნატოსკენ აქტიურ სვლას განაგრძობდა, 2012 წლის შემდეგ კი, რიგი საკითხების უკეთ მოგვარება შეიძლებოდა.

„შეიძლება ვთქვათ, რომ იგეგმებოდა სწრაფი ინტეგრაცია, მაგრამ მაპი ვერ მოგვენიჭა. გერმანიამ და საფრანგეთმა კი სკეპტიკური დამოკიდებულება გაიჩინეს  ჩვენს მიმართ.  თუმცა ამ პერიოდში დაიწყო ასოცირების ხელშეკრულებაზე აქტიური მუშაობა და ვიზალიბერალიზაციაზე მოლაპარაკებები.  ალბათ ბრაიზა გულისხმობდა, რომ მეტი გვინდოდა და ნაკლები გამოვიდა.2012 წლამდე ნატოსკენ აქტიურ სვლას განაგრძობდა. 2012 წლის მერე კი შეიძლებოდა რიგი საკითხების უკეტ მოგვარება. ახლა , დარწმუნებული ვარ ახლადარჩეული მთავრობა სწორ პოლიტიკას აირჩევს“, - განაცხადა წერეთელმა.

მისივე თქმით, აგვისტოს ომის შემდეგ რუსეთს განსაკუთრებული სანქცია არ შეხებია.

„შეიძლება ითქვას, რომ  დასავლეთის მხრიდან უკრაინის მაგალითზე უფრო ძლიერი რეაქცია იყო, თუმცა ბოლომდე ეფექტური არც ეს არ არის. ბუნებრივია , რომ რუსეთი საერთაშორისო პოლიტიკას არ შეცვლის თუ მას  წინ არ აღუდგება საერთაშორისო თანამეგობრობა. ცალკეული ქვეყნებისათვის ეს ძალიან რთული ამოცანაა  . მეთიუ ბრაიზა კავკასიისა და განსაკუთრებით სამხრეთ კავკასიის საკითხებში კარგად არის ჩახედული და საქართველოსა და ამერიკის შეერთებული შტატების დაახლოების საკითხში საკმაოდ აქტიურ როლს თამაშობდა, სანამ მას ამის ბერკეტი ჰქონდა“, - განუცხადა გიგი წერეთელმა "ექსპრესნიუსს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი ებრაელი ქალი 7 ოქტომბრის ხოცვა-ჟლეტაში მონაწილე ტერორისტების ისტორიულ სასამართლო პროცესებს უხელმძღვანელებს

ნობელის პრემიის მიღების გადაწყვეტილების გამო, ტრამპმა ნორვეგიას „ტუალეტის ქვეყანა“ უწოდა

ლულა და სილვამ ბრაზილიის პრეზიდენტის პოსტი ხელახლა დაიკავა

სერბეთის საპარლამენტო არჩევნებში მმართველმა პარტიამ ისტორიული მარცხი განიცადა, ვუჩიჩმა სტუდენტებთან დამარცხება აღიარა