„რესპუბლიკური“ პარტიის წევრი ლევან ბერძენიშვილი ლევან იზორიას თავდაცვის მინისტრად დანიშვნას ანტისახელმწიფოებრივ და სულელურ ქმედებას უწოდებს.

როგორც ბერძენიშვილმა „ექსპრესნიუსს“ განუცხადა, არ შეიძლება თავდაცვის მინსიტრი უშიშროების პოლკოვნიკი ან გენერალი იყოს.

„მიმაჩნია, რომ ბატონი იზორიას დანიშვნა სისტემური ხასიათის შეცდომაა - ეს ყველაზე კარგ შემთხვევაში, ხოლო დანაშაული იქნება ცუდ შემთხვევაში. ამ ყველაფერს კი დრო გვაჩვენებს. თავდაცვის სისტემაში არ შეიძლება შინაგან საქმეთა სამინისტროს ან სუს-ის საიდუმლო სამსახურის შეშვება. არსებობს დაუწერელი კანონი ძალოვანი უწყებების ურთიერთდამოუკიდებლობის შესახებ. თავდაცვის მინისტრი არ შეიძლება უშიშროების პოლკოვნიკი ან გენერალი იყოს. ამიტომ, იზორიას დანიშვნა თინათინ ხიდაშელმა კიდევ მსუბუქად შეაფასა. ეს არის სულელური, ანტისახელმწიფოებრივი ქმედება. არ შეიძლება მუდმივად ასე ხდებოდეს. ალასანია წავიდა და სუს-ის კაცი მოვიდა,  წავიდა ხიდაშელი და კვლავ სუს-ის კაცი მოვიდა. ხიდაშელმა სისტემაში ე.წ. „ოდეერები“ არ შეუშვა და ახლა მთავარი „ოდეერი“ მინისტრად დაინიშნა“, - განაცხადა ბერძენიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე: ირიბი მტკიცებულებაც კი არ არის იმ დასკვნამდე მისასვლელად, რომ სპეცრაზმელებს ვინმე აძლევდა დავალებებს, ეს იყო კერძო ინიციატივები

რეჟიმის მიერ გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის დაკავებულ ძალოვანებს ბრალდება წარედგინათ

გელა ხასაიას საპროცესო შეთანხმება გაუფორმდა – ის ციხეს სექტემბერში დატოვებს

„გოგოების გზა ტექნოლოგიებში - სწავლიდან ლიდერობამდე“ - გაეროს ქალთა ორგანიზაციის საერთაშორისო კონფერენცია თიბისის მხარდაჭერით გაიმართა