დასაქმების სფეროში ერთიანი პოლიტიკის გატარების ხელშეწყობის მიზნით, აჭარის ავტონომიური რესპუბლიკის დასაქმების სააგენტოსა და შპს „სოკარ ჯორჯია გაზი“ აჭარის რეგიონალურ ოფისს შორის ურთიერთთანამშრომლობის მემორანდუმი გაფორმდა.

ურთიერთშეთანხმება მიზნად ისახავს, აჭარის ავტონომიური რესპუბლიკის ადმინისტრაციულ ტერიტორიაზე მოსახლეობის დასაქმების ხელშეწყობას, როგორც ბიზნეს გარემოს სრულყოფის, ისე შრომის ბაზრის ეფექტიანი ფუნქციონირებისათვის.

დასაქმების სააგენტოს ,,პროფესიული გადამზადების’’ ქვეპროგრამით გათვალისწინებული ამოცანების სრულფასოვნად შესრულებისთვის შეხვედრაზე ასევე ხელი ოთხმხრივ ურთიერთშეთანხმებას მოაწერეა. სსიპ აჭარის ავტონომიური რესპუბლიკის დასაქმების სააგენტო, სსიპ საზოგადოებრივი კოლეჯი „ახალი ტალღა“, შპს „სოკარ ჯორჯია გაზი'' აჭარის რეგიონალური ოფისი და ა(ა)იპ „დემოკრატიის ინსტიტუტი“ ქვეპროგრამით გათვალისწინებული ამოცანების შესრულებაზე იზრუნებენ.

შეთანხმების თანახმად, შპს „სოკარ ჯორჯია გაზი'' აჭარის რეგიონალური ოფისი იღებს ვალდებულებას თეორიული ცოდნის პრაქტიკაში გამოყენების მიზნით, ქვეპროგრამით მოსარგებლე ბენეფიციართათვის უზრუნველყოს საწარმოო პრაქტიკის გავლის შესაძლებლობა ელექტრო და აირზე შემდუღებელ პროფესიაში. საწარმოო პრაქტიკის სრულად გავლის შემდეგ ა(ა)იპ „დემოკრატიის ინსტიტუტი“ თითოეულ ბენეფიციარს საჩუქრად შესაბამის საწარმოო იარაღის გადასცემს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიტკოფისა და კუშნერის ვიზიტების დროს საჰაერო დარტყმებს არ განვახორციელებთ, რუსეთმაც იგივე უნდა გააკეთოს

დენის კულანინმა საქართველო დატოვა

სააკაშვილი- მელია რომელიც ერთ დროს ჩემს მზეს რომ ფიცულობდა, ახლა ის დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე, ჩემი მიმართულებით

პროკურატურა - „ასავალ-დასავალის“ რესპონდენტის გარდაცვალებასთან დაკავშირებით ოპოზიციის სამი წევრი დაიკითხა