საქართველოს პრეზიდენტის ადმინისტრაციის უფროსი გიორგი აბაშიშვილი იმედს გამოთქვამს, რომ მოსამართლეებზე ზეწოლასთან დაკავშირებით საქართველოს საკონსტიტუციო სასამართლოს თავმჯდომარის გიორგი პაპუაშვილის განცხადება პროკურატურის მხრიდან ამჯერადაც იგნორირებული არ იქნება და შესაბამისი რეაგირება მოჰყვება.

,,აბსოლუტურად ნაჩქარევი და გაუგებარია პოლიტიკური შეფასებები, თითქოს არაფერი ხდება პაპუაშვილის განცხადებასთან დაკავშირებით. ამავდროულად, მნიშვნელოვანია ხაზი გაესვას, რომ გიორგი პაპუაშვილმა რამდენიმე თვის წინ გააკეთა მსგავსი ტიპის განცხადება და სამწუხაროდ, ამას პროკურატურის მხრიდან, როგორც ჩანს, არანაირი რეაგირება არ მოჰყვა. იმედია, რომ ახლა, ამ შემთხვევაში მსგავსი არ განმეორდება და მსგავსი გულგრილობით არ მოხდება, ამ ფაქტის კვლავ გვერდზე გადადება. რაც შეეხება პრეზიდენტისა და გიორგი პაპუაშვილის შეხვედრას, დრო ზუსტდება და ეს შეხვედრა უახლოეს დღეებში შედგება. როდესაც პრეზიდენტი და საკონსტიტუციო სასამართლოს თავმჯდომარე შეხვდებიან, ვფიქრობ, რომ მაშინ იქნება უფრო მეტი დეტალი ცნობილი",- აღნიშნა საქართველოს პრეზიდენტის ადმინისტრაციის უფროსმა.

შეგახსენებთ, საკონსტიტუციო სასამართლოს თავმჯდომარე გიორგი პაპუაშვილმა განაცხადა, რომ მოსამართლეებზე მიზანმიმართული ზეწოლა მიმდინარეობს.

საკონსტიტუციო სასამართლოს თავმჯდომარის განცხადებას საქართველოს მთავარი პროკურატურა გამოეხმაურა და გიორგი პაპუაშვილს მიმართა, „მისთვის სასურველ დროს“ უწყებაში გამოცხადდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია