აჭარის ავტონონომიური რესპუბლიკის მთავრობის აპარატსა და სილეზიის სავოევოდოს მარშალის ოფისს შორის აქტიური თანამშრომლობა გრძელდება.

როგორც „ექსპრესნიუსს“ აჭარის მთავარობიდან აცნობეს,  თანამშრომლობის შესახებ ხელშეკრულება ორ რეგიონს შორის 5 წლის წინ გაფორმდა და უკვე არაერთი პროექტი განხორციელდა სხვადასხვა სფეროს წარმომადგენელთა კვალიფიკაციის ამაღლებისა  და გადამზადების მიმართულებით.

 მათივე ცნობით,  აჭარის მთავრობის აპარატის საერთაშორისო დეპარტამენტის კოორდინაციით, აჭარის  ჯანმრთელობისა და სოციალური დაცვის სამინისტროსა და სილეზიის სავოევოდოს მარშალის ოფისის, ჯანდაცვისა და სოციალური პოლიტიკის დეპარტამენტის ჩართულობით  19 ივლისს აჭარის ონკოლოგიური ცენტრის 3 მედიკოსი სპეციალიზებული ტრენინგ-კურსის გასავლელად პოლონეთში გაემგზავრა.

ისინი კვალიფიკაციის ასამაღლებელ ორკვირიან კურსს მარია სკლადოვსკა-კიურის ონკოლოგიური ცენტრის კლინიკური და ექსპერიმენტული ონკოლოგიის დეპარტამენტში გადიან. 

  უახლოეს პერიოდში პოლონეთში აჭარის ონკოლოგიური ცენტრის კიდევ 3 მედიკოსი გაემგზავრება. ისინი კვალიფიკაციას მარია სკლადოვსკა-კიურისონკოლოგიური ცენტრის რადიოლოგიისა და გამოსახვითი დიაგნოსტიკის დეპარტამენტში აიმაღლებენ.

  ცნობისთვის, 2017 წლის ზაფხულში კონსულტაციების ჩატარებისა და გამოცდილების გაზიარების მიზნით დაგეგმილია პოლონელი რევმატოლოგების   ვიზიტი ბათუმში.

   2015 წლის აგვისტოს თვეში აჭარის ავტონომიური რესპუბლიკის და სილეზიის სავოევოდოს მთავრობებს შორის არსებული ურთიერთთანამშრომლობის ფარგლებში ექიმი-რევმატოლოგი და ექიმი-ლაბორანტი გამოცდილების გაზიარების მიზნით სილეზიის სავოევოდოს „უსტრონის რევმატოლოგიისა და რეაბილიტაციის ჰოსპიტალში" იმყოფებოდნენ. გადამზადების 2-კვირიანი კურსი თეორიულ და პრაქტიკულ სწავლებას მოიცავდა.

   2011–2013 წლებში პოლონეთში სილეზიის ქალაქ  ზაბჟეს გულის დაავადებათა ცენტრში აჭარის სამედიცინო დაწესებულებებიდან სტაჟირების კურსი გაიარა შვიდმა ექიმმა და ერთმა მედდამ.

   2013 წელს პოლონეთის ონკოლოგიურ ცენტრს სტუმრობდა აჭარის ონკოლოგიური ცენტრის დირექტორი.

   2014 წელს  ბათუმის შშმ პირთა სარეაბილიტაციო ცენტრს ქართველი კოლეგების გადამზადების მიზნით სტუმრობდა პოლონელი რეაბილიტოლოგი.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს