აჭარის ავტონომიური რესპუბლიკის  მთავრობის თავმჯდომარე ზურაბ პატარაძე  განათლების სამინისტროში სტუმრობისას ბათუმელ მუსიკოსებს შეხვდა.

აჭარის მთავრობის საზოგადოებასთან სამსახურის ინფორმაციით,  პატარაძემ შეხვედრისას  ინფორმაცია მიიღო  ახალი პროექტის შესახებ, რომლის მიხედვითაც ბათუმში მალე ადგილობრივი ბენდების პროდიუსინგი დაფინანსდება. პროექტი განათლების, კულტურისა და სპორტის მინისტრის მოადგილის ნათია სირაბიძის ინიციატივით  ხორციელდება.

მათივე ცნობით, პროექტისთვის „კონცერტები ტურისტულ სეზონზე" სამი ბათუმური ბენდი შეირჩა, რომელთა წევრებს მინისტრის მოადგილე ნათია სირაბიძე შეხვდა და ესაუბრა.

პროექტი პირველად ხორციელდება და მიზნად ისახავს, არა მხოლოდ კონცერტების ჩატარებას ტურისტულ სეზონზე, არამედ ადგილობრივი ბენდების პროდიუსინგის ხელშეწყობას.   პროგრამას გაცილებით გრძელვადიანი ეფექტი ექნება და დაეხმარება ბენდებს მიიღონ მეტი დაკვეთები, როგორც საქართველოს, ასევე საერთაშორისო ბაზარზე.

პროექტის ფარგლებში მომზადდება საავტორო მუსიკის შემქმნელი სამი ბენდის მარკეტინგული კონცეფცია, თითოეული ბენდისთვის დამზადდება ვებ-გვერდი და  ვიდეორგოლები სატელევიზიო და ინტერნეტ სივრცისთვის, შეიქმნება ბრენდ ბუქი და პორტფოლიო, მაღალი ხარისხით სტუდიურად ჩაიწერება ბენდების სიმღერები. პარალელურად დაფინანსდება აფიშების, პოსტერების დიზაინის შექმნა და სოციალურ ქსელში სარეკლამო კამპანია. ასევე ბენდები გამართავენ კონცერტებს ქობულეთში, ბათუმსა და გონიო-კვარიათში.

პროექტის ფარგლებში შერჩეული ბენდებია: The Nemo, Groovephonics და Asea Sool. პროექტს ახორციელებს ტენდერში გამარკვებული კომპანია შპს „EREDELis Art".

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს