იუსტიციის მინისტრი თეა წულუკიანი ბათუმში საერთაშორისო კონფერენცია „საქართველოს ევროპული გზის“ მუშაობაში მონაწილეობს. მინისტრი კონფერენციაზე სიტყვით გამოვიდა და იმ რეფორმებზე ისაუბრა, რომლებიც ქვეყანაში იუსტიციის სამინისტროს თაოსნობით ევროკავშირთან დაახლოების მიზნით განხორციელდა. ამის შესახებ "ექსპრესნიუსს" იუსტიციის სამინისტროს პრესსამსახურიდან აცნობეს.

მათი ინფორმაციით, თეა წულუკიანმა საერთაშორისო სამართლებრივ ნორმებთან საქართველოს კანონმდებლობის ჰარმონიზაციის და ამ პროცესში იუსტიციის სამინისტროს როლზე გაამახვილა ყურადღება. იუსტიციის მინისტრმა  კონფერენციის მონაწილეებს მართლმსაჯულების სისტემის რეფორმირების, არასრულწლოვანთა მართლმსაჯულების კოდექსის, ტრეფიკინგთან ბრძოლის, ოჯახში ძალადობის წინააღმდეგ და ადამიანის უფლებების დაცვის გაძლიერების მიზნით გაწეული სამუშაოების შესახებ მიაწოდა ინფორმაცია.

მინისტრმა სიტყვით გამოსვლისას სტრასბურგის სასამართლოში საქართველოდან შესული საჩივრების კლების ტენდენციაზეც ისაუბრა და აღნიშნა, რომ ეს რიცხვი წინა წლებთან შედარებით ხუთჯერ არის შემცირებული.

მე-13 საერთაშორისო კონფერენციის ფარგლებში საქართველოში იმყოფება ევროკომისარი სამეზობლო პოლიტიკისა და გაფართოებაზე მოლაპარაკებების საკითხებში იოჰანეს ჰანი, რომელმაც აღმასრულებელი ხელისუფლების წარმომადგენლებთან ორმხრივი შეხვედრები გამართა.

წელს ბათუმის საერთაშორისო კონფერენციის დისკუსიის ძირითადი თემებია: საქართველო-ევროკავშირის ურთიერთობები; ევროპის სამეზობლო პოლიტიკა, მისი მომავალი, გამოცდილება და მთავარი გამოწვევები; ევროკავშირი-საქართველოს ასოცირების შეთანხმების იმპლემენტაცია, ღრმა და ყოვლისმომცველი თავისუფალი სავაჭრო სივრცისა (DCFTA) და ვიზის ლიბერალიზაციის საკითხები. 

კონფერენციაზე 100-ზე მეტი სტუმარი ჩამოდის უცხოეთიდან – პოლიტიკოსები, მედიისა და სამოქალაქო სექტორის წარმომადგენლები.  ღონისძიება ორდღიანია და 15 ივლისს სრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს