თბილისის საქალაქო სასამართლოში საცხოვრებელ კომპლექს "თეთრი მაგნოლიას"  საქმეზე ბრალდებულების მიმართ აღკვეთის ღონისძიების შეფარდების საკითხზე პროცესი მიმდინარეობს.

პროკურატურამ ოთხივე ბრალდებულისთვის პატიმრობის გამოყენების შუამდგომლობა დააყენა. რჩეულიშვილების ადვოკატმა მამუკა ჭაბაშვილმა კი, მოითხოვა, რომ გუკა და მაია რჩეულიშვილების მიმართ  აღკვეთის ღონისძიების არც ერთი სახე არ განიხილონ.

ალტერნატივად კი მაქსიმუმ 5-5 ათას ლარიანი გირაო დაასახელა. ჭაბაშვილის თქმით, ვინაიდან რჩეულიშვილების ქონება დაყადაღებულია, მეტის გადახდის რესურსი მათ არ აქვთ.

პროკურატურამ რჩეულუშვილებისთვის პატიმრობის შეფარდების არგუმენტად, სხვადასხვა ფარული გარიგების გზით, მოწმეებზე ზემოქმედებისა და ახალი დანაშაულის ჩადენის საფრთხე მოიყვანა. დაცვის მხარე აღნიშნულს არ დაეთანხმა. ადვოკატის თქმით, პატიმრობის საფუძველი არ არსებობს, რადგან მაია რჩეულიშვილი გამოძიებასთან თანამშრომლობს.

შეგახსენებთ, გამოძიება  მაია რჩეულიშვილს, ირაკლი მინდელსა და სალომე ჩარკვიანს ერთობლივად  მენაშენეთა კუთვნილი  19 740 845 ლარის გაფლანგვას ედავება.

გარდა ამისა,  პროკურატურის ინფორმაციით, ირაკლი მინდელი შპს „ცენტრ პოინტ ჯგუფი“-ს სამეთვალყურეო საბჭოს თავმჯდომარე გურამ რჩეულიშვილთან ერთად 2009 წლის 7 ივლისიდან - 2010 წლის 30 მარტამდე პერიოდში დაეუფლა მენაშენეთა კუთვნილ დიდი ოდენობით თანხას 1 657 959,39 ლარის ოდენობით, რაც მათ ერთობლივად მიითვისეს. საუბარია ბათუმში რუსთაველის ქუჩაზე მდებარე საცხოვრებელ კომპლექს „თეთრი მაგნოლიაზე“. 

მაია რჩეულიშვილის, ირაკლი მინდელის, სალომე ჩარკვიანის და გურამ რჩეულიშვილის მიმართ სისხლისსამართლებრივი დევნა დაწყებულია საქართველოს სსკ-ის 182-ე მუხლის მეორე ნაწილის „ა“ და მესამე ნაწილის „ბ“ ქვეპუნქტებით გათვალისწინებული დანაშაულის ნიშნებით, რაც სასჯელის სახედ და ზომად  თავისუფლების აღკვეთას შვიდიდან თერთმეტ წლამდე ვადით ითვალისწინებს.

"ცენტრ პოინტი აჭარა“-ს დირექტორი ირაკლი მინდელი და გაყიდვების მენეჯერი   სალომე ჩარკვიანი დაკავებულები არიან. სასამართლომ მაია რჩეულიშვილის დაკავების შუამდგომლობა არ დააკმაყოფილა, რის გამოც მის მიმართ დაკავების გარეშე დაიწყო სისხლისსამართლებრივი დევნა.

რაც შეეხება  გურამ რჩეულიშვილს, მის მიმართ დაუსწრებლად გამოტანილია დადგენილება ბრალდებულად პასუხისგებაში მიცემის შესახებ. ასევე მასზე გამოცხადებულია ძებნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე