ექსპერტი პოლიტიკის საკითხებში გია ხუხაშვილი მიიჩნევს, რომ "ახალი პოლიტიკური ცენტრის - გირჩის" ვიდეოგზავნილი შეურაცხმყოფელია და ის ამომრჩეველზე, მათ შორის ახალგაზრდებზე, ნეგატიურად იმოქმედებს.

როგორც "ექსპრენიუსს" ხუხაშვილმა განუცხადა, „0,3%-იანი პარტია წინასაარჩევნო კამპანიას სკანდალზე აგებს“.

""გირჩის" გუშინდელი ვიდეო ყურს ჭრის და არის საკმაოდ აგრესიული. არ მგონია, რომ ცუდის გაკეთება უნდოდათ, მაგრამ ეს ვიდეო შეურაცხყოფის ზღვარზე გაკეთებული გზავნილია. ერთის მხრივ, მათ უნდოდათ პროგრესზე და მომავალზე ორიენტირებული მესიჯი გაეგზავნათ, მაგრამ გასაგებია, რომ 0.3%-იანი პარტია რომ ხარ ცდილობ წინასაარჩევნო კამპანია სკანდალზე ააგო. შეეძლოთ ეს გზავნილიკორექტულად ეთქვათ. პირველ რიგში, საკუთარ ბებიებსა და ბაბუებს და დედებს და მამებს მიაყენეს შეუარცხყოფა. ეს მათივე პრობლემაა და არა უფროსი თაობის. ამ გზავნილით ისინი წარმატებას ვერ მიაღწევენ, მით უმეტეს საქართველოში, სადაც უფროს-უმცრობის ტრადიცია დღესაც არსებობს. ახალგაზრდების გააქტიურება მნიშვნელოვანი ამოცანაა, მაგრამ არა შეურაცხყოფის ხარჯზე. ასეთი ნეგატიური გზავნილი ამომრჩეველზე უარყოფითად მოქმედებს. ეს ახალგაზრდებზეც უარყოფითად იმოქმედებს, რადგან მათ უსაქმურები უძახა "ახალმა პოლიტიკურმა ცენტრმა"", - განაცხადა ხუხაშვილმა.

ცნობისთვის „გირჩმა“ ვიდეომიმართვა გაავრცელა, სადაც ახალგაზრდებს არჩევნებში მონაწილეობისკენ მოუწოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა