ექსპერტი პოლიტიკის საკითხებში სოსო ცინცაძე აცხადებს, რომ ნატო-ს დახმარების მიუხედავად, საქართველო დაცული ქვეყანა არ არის.

როგორც ცინცაძემ "ექსპრესნიუსს" განუცხადა, ბოლო 10-12 წლის განმავლობაში ნატო-ს ყოველი სამიტი საქართველოსთვის წინგადადგმული ნაბიჯია, მაგრამ ეს არ არის საკმარისი, ვინაიდან ქვეყანას დროის დეფიციტი აქვს.

"პრობლემა არის ის,  თუ დროის რა რესურსი აქვს ჩვენს ქვეყანას. ქვეყანას, რომელსაც მხოლოდ თეორიული საფრთხისგან ჭირდება დაცვა, ის შეიძლება დაკმაყოფილდეს მოკრძალებული წინსვლით. თუმცა, თუ ქვეყანას აქვს დროის დეფიციტი, მაშინ ეს პატარა წარმატებები არადამაკმაყოფილებელია. ბუქარესტის სამიტზე საქართველოს საკითხი ერთ-ერთი პრიორიტეტი იყო. მაშინ პირველად და უკანასკნელად დადგა საქართველოსთვის MAP-ის მინიჭების საკითხი. თუმცა, მას შემდეგ MAP-ი ჩანაცვლდა დაპირებით, რომ ადრე თუ გვიან საქართველო ნატო-ს წევრიიქნება. ნატო-ს ისტორიაში ბრიუსელს არცერთი ქვეყნისთვის არ უთქვამს, რომ ის ნატო-ს წევრ ი ვერ გახდება. ვარშავის სამიტზე პრიორიტეტული საკითხი იყო პოლონეთისა და ბალტიისპირეთის თემა. გასაოცარი იყო საფრანგეთის პრეზიდენტის ფრანსუა ოლანდის განცხადება. ასეთი განცხადებები მე არ წამიკითხავს მიუნხენის სამარცხვინო გარიგების შემდეგ. ყველა ერთხმად ამბობს, რომ ეს კეთდება რუსეთის საფრთხისგან თავის დასაცავად და ამ დროს ოლანდი აცხადებს, რომ რუსეთი საფრთხე არ არის. ეს მიუთითებს, რომ ნატო-ს შიგნით არ არის ერთიანი პოზიცია. ჩვენ გვაქვს პროგრესი, მაგრამ ეს არ არის საკმარისი იმისთვის, რომ რომელიმე ქვეყნიდან აგრესიის განხორციელება შეკავებულ იქნას", - აცხადებს ცინცაძე.

ექსპერტმა ნატო-თან დაახლოების კუთხით საქართველოს ხელისუფლების 4-წლიანი მუშაობაც შეაფასა და აღნიშნა, რომ ხელისუფლება ამ კუთხით მხოლოდ ბოლო 2-3 თვის განმავლობაში გააქტიურდა.

"ქვეყნებს შორის სიახლოვეს  შევხედრები, კონტაქები განსაზღვრავს. 4 წელი გავიდა და დღევანდელი ხელისუფლება ამ კუთხით მხოლოდ უკანასკნელი 2-3 თვის განმავლობაში გააქტიურდა. მანამდე ჩვენ გვესმოდა კვაჭანტირაძის განცხადებები ეს რა იდიოტი პარლამენტარები ყავთ ევროპელებს, საწყალი ევროპელები და ა.შ. მუდამ ის გვესმოდა, რომ ევროპის ყველაზე დიდი პარტია მოსყიდულია და ასეთი გარემოება ხელს არ უწყობდა ევროპასთან ჩვენს სიახლოვეს. ახლა იცვლება ეს ყველაფერი, მაგრამ რამდენად იქნება ეს საკმარისი არ ვიცი. დასავლეთთან სიახლოვისთვის 2 ფაქტორი დიდ როლს ითამაშებს. გააჩნია არჩევნები როგორ ჩატარდება და როგორ წარიმართება "რუსთავი 2"-ის საქმე. ევროპელები დიდ მნიშვნელობას მიანიჭებენ ამ საქმეს. ახლა ვოლსკიმ გინდ სიცრუის მანქანა დაუძახოს ამ ტელევიზიას და გინდ სხვა რამ", - განაცხადა ცინცაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა