უფლებადამცველი ოთარ ბექაური საზოგადოებას მოუწოდებს, შვილისა და მეუღლის მკვლელობაში დმნაშავედ ცნობილი  მაგდა პაპიძის გათავისუფლების მოთხოვნით, აქციები დაიწყოს.

ამის შესახებ ბექაურმა მაგდა პაპიძის დედასთან ერთად გამართულ პრესკონფერენციაზე განაცხადა.

მისივე თქმით, პაპიძის მიმართ გარკვეული ადამიანების მხრიდან, უდანაშაულობის პრეზუმცია დაირღვა.

"მაგალითად,შინაგან საქმეთ  მინისტრის მოადგილე არჩილ თალაკვაძემ დაკავებიდან ერთ საათში „ფეისბუქში“ დაწერა სტატუსი, რომ ქმრისა და შვილის მკვლელი დაკავებულია",-განაცხადა ოთარ ბექაურმა.

ამასთან, პაპიძის ოჯახი   პრეზიდენტს შეწყალების თხოვნით მიმართავს.

გარდა ამისა,  ლიანა შამუგიას თქმით,  პირველი ინსტანციის სასამართლოს გადაწყვეტილების  სააპელაციო სასამართლოში გასაჩივრებას გეგმავენ, თუმცა აღნიშნულის თაობაზე თავად  მაგდა პაპიძის პოზიცია არ იციან.

პაპიძის დედა ამბობს, რომ  საქალაქო სასამართლოს გადაწყვეტილების ძალაში დატოვების შემთხვევაში, არ გამორიცხავენ,  საქმე სტრასბურგის სასამართლოში გაასაჩივრონ.

შეგახსენებთ,  ნაფიც მსაჯულთა სასამართლომ მაგდა პაპიძე  ოჯახური დანაშაულის, კერძოდ, წინასწარი შეცნობით ორი პირის, მათ შორის არასრულწლოვნის განზრახ მკვლელობაში დამნაშავედ ერთხმად სცნო.  მოსამართლემ სასჯელი სისხლის სამართლის კოდექსის 109-ე მუხლის მესამე ნაწილის სანქციის ფარგლებში განსაზღვრა და მას სამუდამო პატიმრობა მიუსაჯა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს