პოლონეთის პრეზიდენტის ანჟეი დუდას განცხადებით, ნატო-ს უსაფრთხოების გასაძლიერებლად სამიტზე კონკრეტულ გადაწყვეტილებებს მიიღებს.

როგორც ანჟეი დუდამ იენს სტოლტენებერგთან გამართულ ერთობლივ პრესკონფერენციაზე აღნიშნა, უპირველეს ყოვლისა, ეს გადაწყვეტილებები ალიანსის აღმოსავლეთ და სამხრეთ ნაწილს ეხება.

“არავისთვისაა საიდუმლო, რომ უსაფრთხოების მხრივ ვითარება ბოლო წლებში შეიცვალა. ამიტომ ალიანსი ვალდებულია და მზად არის, მიიღოს კონკრეტული გადაწყვეტილებები უსაფრთხოების გასაძლიერებლად იქ, სადაც ეს აუცილებელია. დღეს ეს უპირველს ყოვლისა საჭიროა აქ, ჩრდილოატლანტიკური ალიანსის აღმოსავლეთ ფლანგზე, და სამხრეთით”, -განაცხადა პოლონეთის პრეზიდენტმა.

ანჟეი დუდას თქმით, ალიანსი ერთიანია და კავშირის თითოეული წევრის უსაფრთხოება ნატო-სთვის ერთნაირად მნიშვნელოვანია. 

დუდას განცხადებით, ალიანსი თავდაცვისუნარიანობის გაძლიერების შესახებ გადაწყვეტილებებს სამიტის პირველ დღეს, 8 ივლისს მიიღებს.

შეგახსენებთ, რომ 

8-9 ივლისს ვარშავის ცენტრში მდებარე ეროვნულ სტადიონზე ნატო-ს სამიტი გაიმართება.

ჩრდილოატლანტიკური ალიანსის სამიტში მონაწილეობას 58 ოფიციალური დელეგაცია მიიღებს. მონაწილეთა შორის ნატო-ს 28 მოკავშირე არის, მონტენეგრო, რომელიც ვარშავის სამიტზე ოფიციალურად ალიანსის წევრი გახდება, 26 პარტნიორი ქვეყანა, მათ შორის საქართველო, ასევე გაერო-ს, ევროკავშირის, მსოფლიო ბანკისა და ნატო-ს საპარლამენტო ასამბლეის წარმომადგენლები.

სულ სამიტს დაახლოებით 2 500 დელეგატი დაესწრება. ღონისძიებას მედიის 2 000-მდე წარმომადგენელი გააშუქებს.

ცნობისთვის, ეს ნატო-ს რიგით 28-ე სამიტი იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა