გერმანიის კანცლერის ანგელა მერკელის განცხადებით, აღმოსავლეთ ევროპაში ნატო-ს მიმართ ნდობა რუსეთის გამო დაკარგეს, - აღნიშნული განცხადება მერკელმა ბუნდესტაგში გამოსვლისას გააკეთა. 

მერკელის თქმით, უკრაინაში კრიზისის დროს რუსეთმა საზღვრების ხელშეუხებლობის პრინციპში ეჭვქვეშ დააყენა,როგორც სიტყვებით, ისე ქმედებებით. ამის გამო ყველაზე მეტად ნატო-ს აღმოსავლეთ ევროპელი წევრები შეწუხდნენ და მათ მხარდაჭერა სჭირდებათ.

როგორც კანცლერმა განმარტა, ვარშავის სამიტზე, რომელიც 8 ივლისს იხსნება 2014 წელს უელსში მიღებული გადაწყვტილებების ადაპტაცია მოხდება. მათ შეკავების და თავდაცვის გაძლიერებისათვის საჭრო ელემენტები დაემატება.

ცნობისვის, ვარშავაში ნატო-ს სამიტის სტუმრების დასახვედრად უკვე ემზადებიან. გაძლიერებულია უსაფრთხოების ზომები. 

ჩრდილოატლანტიკური ალიანსის სამიტში მონაწილეობას 58 ოფიციალური დელეგაცია მიიღებს. მონაწილეთა შორის ნატო-ს 28 მოკავშირე არის, მონტენეგრო, რომელიც ვარშავის სამიტზე ოფიციალურად ალიანსის წევრი გახდება, 26 პარტნიორი ქვეყანა, მათ შორის საქართველო, ასევე გაერო-ს, ევროკავშირის, მსოფლიო ბანკისა და ნატო-ს საპარლამენტო ასამბლეის წარმომადგენლები.

სულ სამიტს დაახლოებით 2 500 დელეგატი დაესწრება. ღონისძიებას მედიის 2 000-მდე წარმომადგენელი გააშუქებს.

წინასწარი ინფორმაციით, რიგით 28-ე სამიტის ბოლოს მიღებულ გადაწყვეტილებაში მნიშვნელოვანი ადგილი დაეთმობა ნატო-ს აღმოსაველთ ფლანგზე სამხედროების რაოდენობის გაზრდას. კერძოდ, ალიანსი გეგმავს ბალტიისპირეთის ქვეყნებსა და პოლონეთში 4 ბატალიონის დისლოცირებას. ამ ნაბიჯით ნატო, რუსეთიდან მომავალი საფრთხის ფონზე, აღმოსაველთ ევროპელ პარტნიორებს მხარდაჭერას გამოუცხადებს. კონკრეტული გეგმის შესახებ 9 ივლისს გახდება ცნობილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკისა და სულაკაურის შეთავაზება მოსწავლეებისა და სტუდენტებისთვის

ალიანსი: 4 ოქტომბრის საქმეზე დაკავებულები არიან პოლიტიკური პატიმრები

ლელო: სპეცრაზმელების დაკავება არის ოცნების მორიგი ფარსი და თავის გადარჩენის მცდელობა

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო