"ქართული ოცნების" წევრის ომარ ნიშნიანიძის განცხადებით, ვარშავის სამიტზე საქართველო არა MAP-ს, არამედ ნატოს-თან უფრო მეტ თანამშრომლობას ელის.

როგორც "ექსპრენიუსთან" საუბრისას დეპუტატმა განაცხადა, საქართველო ადრე თუ გვიან, ნატო-ს წევრი მაინც გახდება და ქვეყანამ დასავლეთის მიმართულებით სვლა აუცილებლად უნდა გაარძელოს. ამავდროულად, ნიშნიანიძის თქმით, საქართველომ რუსეთი უნდა დაარწმუნოს, რომ მის საწინააღმდეგო ნაბიჯებს არ დგამს.

"ვარშავის სამიტიზე ნატო-გან ჩვენ MAP-ს არ ველით, ჩვენ ველით, როგორც გაცხადდა, უფრო ფართო თანამშრომლობას. ეს იმას ნიშნავს, რომ ალბათ, მეტი დახმარება გვექნება შეიარაღებისა და ურთიერთგამოცდილების გაზიარების კუთხით. ვარშავის სამიტი არ იქნება უნაყოფო. ზოგადად, ძნელია იმის თქმა თუ როდის შეძლებს საქართველო ნატო-ს წევრი ქვეყანა გახდეს, მაგრამ ამან ძირითდი სტრატეგიული მიმართულებიდან არ უნდა გადაგვახვევინოს. ჩვენ უნდა ვიაროთ დასავლეთის გზით, ადრე თუ გვიან ჩვენ გავხდებით ნატო-ს წევრი ქვეყანა, ხოლო იქამდე ნებისმიერ სფეროში  ჩრდილოატლანტიკური ალიანსის დახმარება ჩვენთვის ძალიან მნიშვნელოვანია. ამის პარალერულად, რუსეთთან მიმართებაში უნდა ვიმოქმედოთ ფრთხილად, გავაგრძელოთ მასთან მოლაპარაკებები, დავარწმუნოთ ის, რომ ჩვენ მის საწინააღმდეგო ნაბიჯებს არ ვდგამთ. პირიქით, ჩვენ გვინდა უახლოეს მეზობლებთან, მათ შორის რუსეთთანაც ურთიერთობების დალაგება. ჩვენ გვჭირდება რუსეთთან მოწესრიგებული ურთიერთობა", - განაცხადა ნიშნიაძემ.

დეპუტატმა ისიც აღნიშნა, რომ თუ საქართველო ნატო-ში გაწევრიანების შემთხვევაში აფხაზეთსა და ე.წ. სამხრეთ ოსეთს დაკარგავს, როგორც რიგითი მოქალაქე, ჩრდილოატლანტიკურ ალიანსზე უარს იტყვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა

ფეიქრიშვილების დედა ამბობს, რომ მისი შვილის საკანში ვატო ყიფიანი შევიდა - პენიტენციური ფაქტს უარყოფს - ვიდეო