"აღმოვჩნდით დიდ საერთაშორისო შარში და სკანდალში" - ასე გამოეხმაურა საქართველოს ყოფილი პრეზიდენტი მიხეილ სააკაშვილი ახმედ ჩატაევის გათავისუფლებას "კურიერის" პირდაპირ ეთერში.

სააკაშვილმა ახმედ ჩატაევისა და რუსი ჯაშუშების გათავისუფლების შესახებ საუბრისას თქვა, რომ დღევანდელი ხელისუფლებას ჩატაევის გათავისუფლებაზე "საკუთარი გეგმა ჰქონდა".

„ჩატაევი გაუშვეს იმიტომ, რომ ეთქვა, თითქოს ლაფანყური იყო რაღაც სახით პოლიტიკური ოპერაცია, რომელიც ჩვენ დავდგით. ახლა კი აღმოვჩნდით დიდ საერთაშორისო შარში და სკანდალში,“ - განაცხადა მიხეილ სააკაშვილმა.

საქართველო ყოფილი პრეზიდენტი საკუთარ პოზიციაზე დაწვრილებით საუბრობს და ახმედ ჩატაევის გათავისუფლების დეტალებს ყვება.

„ეს არ იყო ერთადერთი პირის გათავისუფლება, ვისაც მე არასწორად მივიჩნევდი. იქ იყვნენ სხვა პირებიც. იყვნენ ისეთებიც, ვინც შეიყვანეს პოლიტპატიმრების სიაში, მათ შორის იყვნენ ნარკოტიკების დიდი რაოდენობით გამსაღებლები და იყვნენ მკვლელებიც. ვფიქრობდი, რომ ეს შეუქმნიდა წინააღმდეგობას საზოგადოების უსაფრთხოებას და ასევე არის მეორე კატეგორია ხალხის, რომელიც უქმნიდა წინააღმდეგობას ქვეყნის უსაფრთხოებას, სუვერენიტეტს სახელმწიფოებრიობას. ეს ის ხალხია, ვინც რუსეთის ჯაშუშობისთვის დაკავებული და ეს იყო ასევე ახმედ ჩატაევი. ეს ჩემი განცხადებები იყო საჯარო,“ - განაცხადა მიხეილ სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს