"ბიზნესკონტაქტისა" და "საქმიანი დილის" გუნდი ტელეკომპანია "მაესტროს" წინააღმდეგ დავას სასამართლოში გააგრძელებს.

გუნდი  სასამართლოს სარჩელით  დღის პირველ ნახევარში მიმართავს.

საქმე იმ 27 თანამშრომელს ეხება, რომელსაც ტელეკომპანიის ხელმძღვანელმა უფლებამოსილება შეუჩერა. შეჩერების მიზეზად კი, შრომის კოდექსის 36-ე მუხლის მეორე ნაწილის „ა“ ქვეპუნქტი დაასახელა, რაც თანამშრომლების გაფიცვას გულისხმობს.

როგორც "ბიზნესკონტაქტისა" და "საქმიანი დილის" გუნდის წევრები აცხადებენ, ისინი გასული თვის განმავლობაში პერმანენტულად ვდილობდნენ არხის მენეჯმენტთან შეთანხმების მიღწევას და სასამართლოსთვის გვერდის ავლით პრობლემის მოგვარებას.

„თუმცა ტელეკომპანიის ხელმძღვანელობამ შეთანხმებაში შემდეგი პუნქტი ჩადო: დასაქმებული "მაესტროს" წინასწარი წერილობითი თანხმობის გარეშე არ განახორციელებს პროფესიულ საქმიანობას "მაესტროს" ეთერში გასული გადაცემებების "ბიზნესკონტაქტი","საქმიანი დილა" და "ანალიტიკის" დასახელებებისა და სასაქონლო ნიშნის გამოყენებით. მიგვაჩნია, რომ საავტორო უფლებებთან მიმართებით შემოქმედებით გუნდს არანაირი უფლებამოსილება არ გააჩნია. ერთადერთი გზ,ა რომელიც არხის მენეჯმეტმა დაგვიტოვა, ეს არის სასამართლო",- განაცხადა ჟურნალისტმა ელენე ჩომახიძემ დღეს გამართულ პრესკონფერენციაზე.

სასამართლოში გუნდის 27 მოსარჩელე მაისის თვის ხელფასის სრულად ანაზღაურებას, იძულებითი მოცდენის კომპენსაციას და საშვებულებო კომპენსაციას ითხოვს. სასამართლოში გუნდის ინტერესებს პროფკავშირების იურისტი, რაისა ლიპარტელიანი დაიცავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს