2016-06-11 12:26:03, 1008 ნახვა
სამართალი
ე.წ. მესაზღვრეებმა სოფელ ბერშუეთიდან 2 ადამიანი გაიტაცეს
გორის მუნიციპალიტეტის სოფელ ბერშუეთიდან ე.წ. მესაზღვრეებმა 2 ადგილობირვი მკვიდრი გაიტაცეს.
გატაცებულები მამა-შვილი ზაუტაშვილები არიან, რომლებიც საოკუპაციო ხაზის მახლობლად მდებარე ტერიტორიიდან დღეს დილით გაიტაცეს. ისინი საქონელს მწყემსავდნენ.
როგორც „ექსპრესნიუსს“ სუს-ის პრეს-სამსახურში განუცხადეს, დაკავებულებს ე.წ საზღვრის უკანონო გადაკვეთაში ადანაშაულებენ.
ცნობისთვის, მსგავსი ფაქტები ბოლო პერიოდში განსაკუთრებით გახშირდა. ბოლო ორი დღის განმავლობაში ეს გატაცების უკვე მეოთხე შემთხვევაა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
