სოფელ ავლევთან შეიარაღებულმა პირებმა ე.წ. საზღვრის აღმნიშვნელი ბანერები დაამონტაჟეს

2016-06-08 14:46:31, 1028 ნახვა

სამართალი

სოფელ ავლევის განაპირას, შეიარაღებულმა პირებმა ე.წ. საზღვრის აღმნიშვნელი ბანერები დაამონტაჟეს.

აღნიშნული ფაქტი „ექსპრესნიუსს“ ქარელის გამგებელმა ზაზა გულიაშვილმა დაუდასტურა.

მისი თქმით, ბანერების დამონტაჟება 6 ივნისს მოხდა. რაც შეეხება მოსახლეობის კუთვნილ ნაკვეთებს, რომლებიც ე.წ. საზღვრის აღმნიშვნელი ბანერების მიღმა მოხვდა, როგორც გამგებელმა აღნიშნა, ადგილობრივები ნაკვეთების დამუშავებას პოლიციის თანხლებით კვლავ შეძლებენ.

"გუშინწინ ფორმიანმა პირებმა სოფელ ავლევის განაპირას საზღვრის აღმნიშვნელი ბანერი დაამონტაჟეს. უცნობია ვინ იყვნენ ეს ადამიანები, რადგან ისინი ახლოდან არავის დაუნახავს. რაც შეეხება მოსახლეობის კუთვნილ მიწის ნაკვეთებს - მოსახლება პოლიციის თანხლებით კვლავაც შეძლებს ნაკვეთების დამუშავებას, როგორც აქამდე ხდებოდა ეს", - განაცხადა ზაზა გულიაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან