აჭარის 2016-2020 წლების სოფლის მეურნეობის სტრატეგიაზე მუშაობა დასრულდა.

როგორც „ექსპრენსიუსს“ აჭარის მთავრობის ადმინისტრაციის პრესსამსახურიდან აცნობეს, აღნიშნული დოკუმენტი აჭარის მთავრობისათვის რეგიონში  სოფლად განვითარების მიმართულებით მთავარი სტრატეგიული დოკუმენტი  გახდება.

მათივე განმარტებით, სტრატეგიის მთავარი მიზანია არაურბანულ დასახლებებში მოსახლეობის ცხოვრების ხარისხის გაუმჯობესება და სიღარიბის დონის შემცირება.

„სოფლის განვითარება მრავალ სფეროს მოიცავს, მათ შორის ინფრასტრუქტურის განვითარებას, მომსახურებაზე ხელმისაწვდომობისა და ეკონომიკური შესაძლებლობების გაზრდას.

სოფლის განვითარების სტრატეგიის შემუშავება აღიქმება აჭარის რეგიონის განვითარების ფართო პოლიტიკის მნიშვნელოვან ნაწილად. სტრატეგიის დოკუმენტი 17 მაისს აჭარის მთავრობის სხდომაზე დამტკიცდა. მსგავსი სტრატეგიული დოკუმენტი სოფლის მეურნეობის დარგში საქართველოს მასშტაბით პირველად შემუშავდა. იგი მომზადდა ევროკავშირის გამოცდილების, მის მიერ სოფლის განვითარებისათვის განსაზღვრული ძირითადი ღონისძიებების და პროგრამების მეთოდოლოგიის შესაბამისად.

აჭარის 2016-2020 წლების განვითარების სტრატეგიის დოკუმენტი შემუშავებულია ევროკავშირის და აჭარის ა/რ მთავრობის მიერ დაფინანსებული პროექტის  - “ENPARD-აჭარა - აჭარის ავტონომიური რესპუბლიკაში სოფლის მეურნეობის მხარდაჭერა“ ფარგლებში. პროექტი განხორციელდა გაეროს განვითარების პროგრამის, აჭარის ა/რ მთავრობის სტრაგეტეგიის შემმუშავებელი საბჭოსა და  საზოგადოებრივი ორგანიზაციების მჭიდრო თანამშრომლობით“, - აცხადებენ აჭარის მთავრობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს