ვახტანგ გომელაური: უნივერსიტეტებში არანაირი ოდეერები არ არსებობს

2016-05-12 22:40:23, 878 ნახვა

სამართალი

"უნივერსიტეტებში არანაირი ოდეერები არ არსებობს" - ამის შესახებ უსაფრთხოების სამსახურის ხელმძღვანელმა ვახტანგ გომელაურმა ჟურნალისტებს განუცხადა.

გომელაურის განცხადებით, მოქმედი კანონით და მისი ერთპიროვნული გადაწყვეტილებით არ ხდება უსაფრთხოების ოფიცრების გამწესება.

,,უნივერსიტეტებში არანარი ოდეერები არ არსებობს. ოდეერები იყო, სანამ შინაგან საქმეთა სამინისტროს უსაფრთხოების სამსახური გამოეყოფოდა. კანონის მიღებიდან ოდეერების სამსახური გაუქმდა ავტომატურად. მოხდა 25 სუბიექტის შერჩევა. ჩვენი რეკომენდაციით ეს პარლამენტმა დაამტკიცა. ამ თემაზეც მინდოდა მე საუბარი პარლამენტის ტრიბუნიდან. 25 სუბიექტიდან ჯერ 13 სუბიექტია დანიშნული, ჩვენი ე.წ სახელმწიფო უსაფრთხოების ოფიცერი. ეს არ წყდება ერთპიროვნულად. ადრე წყდებოდა მინისტრის ბრძანებით, ახლა ჩემი ბრძანებით არ გადაწყდება, თუ ორმხრივი მოლაპარაკება და თანხმობა არ იქნება ჩვენი სამსახურის და იმ სუბიექტის მხრიდან, იქნება ეს სამინისტრო თუ რომელიმე სტრუქტურა“, - განაცხადა ვახტანგ გომელაურმა.