სამებიდან დაკარგულ ძვირფას ნივთზე შსს-მ გამოძიება დაიწყო

2016-04-26 14:13:04, 894 ნახვა

სამართალი

ყოვლადწმინდა სამების საკათედრო ტაძრიდან ძვირფასი ნივთი დაიკარგა. რის შესახებაც გამოძიება უკვე დაიწყო.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, პოლიციაში ერთი კონკრეტული ნივთის დაკარგვასთან დაკავშირებით შევიდა შეტყობინება.

მათივე ინფორმაციით, გამოძება სისხლის სამართლის კოდექსის 177-ე მუხლით მიმდინარეობს, რაც ქურდობას გულისხმობს.

„ერთი კონკრეტული ნივთი იყო დაკარგული. ამასთან დაკავშირებით იყო შეტყობინება შემოსული. გამოძიება მიმდინარეობს სისხლის სამართლის კოდექსის 177-ე მუხლით, რაც ქურდობას გულისხმობს“, - აღნიშნეს სამინისტროში.

ცნობისთვის, მედიაში ვრცელდება ინფორმაცია, რომ სამების ტაძრიდან დიდი ოდენობის ძვირფასი ნივთები დაიკარგა. გავრცელებული ინფორმაციით, რამდენიმე კვირის წინ სამების საკათედრო ტაძარში გაჩენილი ხანძარი და ძვირფასეულობის დაკარგვას შორის კავშირი არსებოს, რასთან დაკავშირებითაც რამდენიმე სასულიერო პირი უკვე დაიკითხა. კონკრეტულ დეტალებზე საუბრისგან შსს-ში ამ ეტაპზე თავს იკავებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან