ქობულეთს კიდევ ერთი დამეგობრებული ქალაქი ეყოლება. თანამშრომლობის მემორანდუმი უკრაინის ქალაქ როვნოსთან გაფორმდა.

აჭარის მთავრობის ადმინისტრაციის პრესსამსახურის ინფორმაციით, დოკუმენტს ხელი ქობულეთის გამგებელმა სულხან ევგენიძემ და როვნოს მერმა ვლადიმერ ხომკომ მოაწერეს.

ადგილობრივი თვითმმართველობების  თანამშრომლობა მიზნად ისახავს კულტურის, განათლების, ჯანდაცვის და სპორტის სფეროებში გამოცდილების გაზიარებასა და ერთობლივი პროექტების განხორციელებას. შეხვედრაზე თვითმმართველობების ხელმძღვანელმა პირებმა თანამშრომლობის სამომავლო პერსპექტივებსა და ინიციატივებზე ისაუბრეს.

„მზად ვართ ხელი შევუწყოთ ჩვენს რეგიონებს შორის  ურთიერთობას, კულტურულ და ეკონომიკურ სფეროებში თანამშრომლობას, რაც ორივე მხარისთვის ნაყოფიერი იქნება", - განაცხადა სულხან ევგენიძემ.

ქობულეთის მუნიციპალიტეტის და აჭარის ა/რ ფინანსთა და ეკონომიკის სამინისტროს წარმომადგენლები  ქ. როვნოში სამდღიანი ვიზიტით იმყოფებიან. ვიზიტის ფარგლებში ჩატარდა საქართველო-უკრაინის ფორუმი, სადაც გაიმართა პრეზენტაციები აჭარის საინვესტიციო და ტურისტული პოტენციალის, ასევე, ქობულეთის, როგორც საზღვაო კურორტის შესახებ. მიმდინარე წელს დაიგეგმა აჭარაში საპასუხო ოფიციალური ვიზიტი ქ.როვნოდან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს