2015-02-20 17:54:16, 1055 ნახვა
სამართალი
ლადო სადღობელაშვილი და „თავისუფალი თაობის“ 4 წევრი დააკავეს
ექს-პრეზიდენტის მიხეილ სააკაშვილის საპრეზიდენტო ბიბლიოთეკასთან გამართულ „თავისუფალი თაობის“ საპროტესტო აქციაზე, ორგანიზაციის ლიდერი ლადო სადღობელაშვილი დააკავეს.
„თავისუფალი თაობის“ წარმომადგენლები ბიბლიოთეკაში გახსნილ გამოფენას აპროტესტებდნენ, რომელიც უკრაინის მხარდასაჭერად მოეწყო.
სამართალდამცველებმა სადღობელაშვილი და ორგანიზაციის კიდევ 4 წევრი მას შემდეგ დააკავეს, რაც მათ ბიბლიოთეკის შენობას საღებავები შეასხეს.
როგორც „ექსპრესნიუსს“ შინაგან საქმეთა სამინისტროში განუცხადეს, „თავისუფალი თაობის“ წევრები ადმინისტრაციული წესით დააკავეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
