2016-04-10 11:07:11, 901 ნახვა
სამართალი
ზუგდიდში პოლიციელის დაჭრაში ეჭვმიტანილი დაკავებულია
ზუგდიდში პოლიციის თანამშრომელი დაჭრეს. შემთხვევა გუშინ გვიან ღამით მოხდა. როგორც "ექსპრესნიუსს" შინაგან საქმეთა სამინისტროს პრესსამსახურში განუცხადეს, პოლიციელის დაჭრაში ეჭვმიტანილი პირი უკვე დაკავებულია.
პრესსამსახურში ამ ეტაპზე სხვა დეტალებზე არ საუბრობენ და აცხადებენ, რომ მომხდართან დაკავშირებით ინფორმაცია უწყების ვებგვერდზე რამდენიმე წუთში განთავსდება.
გამოძიება სისხლის სამართლის კოდექსის 118-ე მუხლით მიმდინარეობს, რაც სხეულის ნაკლებად მძიმე დაზიანებას გულისხმობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
