უვადო პატიმრობა მიუსაჯა თბილისის საქალაქო სასამართლოს მოსამართლე ნინო გალუსტაშვილმა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს.

თბილისის ერთ-ერთი კვების ობიექტის 22 წლის თანამშრომელი თამაზ მთივლიშვილი, პროკურატურის ინფორმაციით, თავისი დაბადების დღეზე განსაკუთრებული სისასტიკით ცემის შედეგად მოკლეს. სამზარეულოს ხის დაფა, რომლითაც მთივლიშვილს გაუსწორდნენ, რამდენიმე დღის შემდეგ, მკვლელობაში ბრალდებულ გიორგი პაპაშვილის საცხოვრებელ სახლში იპოვეს.

პაპაშვილს ბრალდება სისხლის სამართლის კოდექსის 109-ე მუხლის "მ" ქვეპუნქტით ჰქონდა წარდგენილი, რაც განზრახ მკვლელობას გულისხმობს დამამძიმებელ გარემოებაში.

საქმეზე სასამართლოს გამამტყუნებელი განაჩენი აქვს გამოტანი კიდევ სამი მსჯავრდებულის მიმართ. ისინი მთივლიშვილის თანამშრომლები იყვნენ - ვერიკო კაპანაძეს, ლუკა გვენეტაძეს, საბა რობაქიძეს, ბაირამ ალი გუსეინოვის მსგავსად ბრადება განსაკუთრებით მძიმე დანაშაულის შეუტყობინებლობას ედავებოდა.

ბაირამ ალი გუსეინოვს დაუსწრებლად 7 წლით თავისუფლების აღკვეთა, ლუკა გვენეტაძეს - 5 წლით, საბა რობაქიძესა და ვერიკო კაპანაძეს კი, 4,3-4,3 წლით თავისუფლების აღკვეთა აქვთ მიესჯილი.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

კობახიძე ოპოზიციაზე - თვითონვე ამტკიცებენ საკუთარი პირით იმას, თუ რატომ არიან ასაკრძალები

66 წლის ბრალდებულმა, 19 წლის დაზარალებულს სახელგამტეხი ინფორმაციის გახმაურების მუქარით შეხვედრა აიძულა, რის შემდეგაც სოფლის მიტოვებულ ტერიტორიაზე ფიზიკური ძალის გამოყენებით გააუპატიურა

რუსეთთან ურთიერთობების საკითხში მთავრობის წარმომადგენლად გიორგი ზურაბაშვილი დაინიშნა

უვადო პატიმრობა მიესაჯა 22 წლის თამაზ მთივლიშვილის მკვლელობაში ბრალდებულ გიორგი პაპაშვილს