შსს-ს სამეგრელო–ზემო სვანეთის დანაყოფებმა ლეიკემიით დაავადებული ბავშვებისთვის სისხლი გაიღეს

2016-04-10 10:25:21, 824 ნახვა

სამართალი

შსს-ს სამეგრელო–ზემო სვანეთის პოლიციის დეპარტამენტის და მის დაქვემდებარებაში მყოფი საქალაქო და რაიონული სამმართველოების, ასევე, საპატრულო პოლიციის დეპარტამენტის სამეგრელო–ზემო სვანეთის მთავარი სამმართველოს და დაცვის პოლიციის თანამშრომლებმა ლეიკემიით დაავადებული ბავშვებისთვის სისხლი ჩააბარეს.

შსს-ს ინფორმაციით, აქციაში „გაიღე სისხლი, გადაარჩინე სიცოცხლე“ შინაგან საქმეთა სამინისტრო უკვე მეოთხე წელია მონაწილეობს. სამინისტროს სხვადასხვა დანაყოფი, ლეიკემიით დაავადებული ბავშვების დასახმარებლად, მ.იაშვილის კლინიკასთან არსებული „სისხლის ბანკის“ დახმარებით, სისხლს რეგულარულად აბარებს.

ამჯერად სისხლი შსს–ს ასამდე თანამშრომელმა გაიღო. დონორობის მიზანი ბავშვებისთვის საჭირო სისხლისა და სისხლის კომპონენტების დეფიციტის შემცირებაა. აღნიშნულ აქციაში მონაწილეობა მომავალშიც გაგრძელდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან