ევროკავშირის საავიაციო უსაფრთხოების სააგენტომ (EASA) ავიაკომპანიებს გაფრთხილება გაუგზავნა საუდის არაბეთის თავზე ფრენასთან დაკავშირებული რისკების შესახებ, იემენში ჰუსიტი ამბოხებულების მიერ ბოლო დროს თავდასხმების ზრდის ფონზე.

EASA-ს ვებსაიტზე გამოქვეყნებულ ბიულეტენში სააგენტო აცხადებს, რომ გააგრძელებს სიტუაციის მონიტორინგს, რათა შეაფასოს საუდის არაბეთის საჰაერო სივრცეში მოქმედი ევროკავშირის ავიაკომპანიებისთვის საფრთხის დონის ნებისმიერი ცვლილება.

ახალ გაფრთხილებაში არ არის ნახსენები Flydubai-ს რეისთან დაკავშირებული დღევანდელი ინციდენტი, რომელიც იძულებული გახდა გადამისამართებულიყო და საუდის არაბეთში დაეშვა.

ცალკე, EASA-მ გაამკაცრა რეკომენდაციები იორდანიის საჰაერო სივრცესთან დაკავშირებით. ახლა ის რეკომენდაციას აძლევს ავიაკომპანიებს, თავი შეიკავონ იორდანიის თავზე ფრენისგან ნებისმიერ სიმაღლეზე ან ფრენის დონეზე.

ადრე EASA მხოლოდ რეკომენდაციას უწევდა ავიაკომპანიებს, რომ სიფრთხილე გამოეჩინათ იორდანიის თავზე ფრენისას. ეს ცვლილება განპირობებულია სამოქალაქო ავიაციისთვის არსებული რისკების შეფასებით, ახლო აღმოსავლეთში სიტუაციის ესკალაციის ფონზე.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

სექტემბერში, თიბისის ბიზნესგანათლების პროგრამა 700-მდე მეწარმემ გაიარა

პენიტენციური სამსახური – მე-6 დაწესებულების სამი მსჯავრდებულის დეესკალაციის საკნებში გადაყვანა უკავშირდება დაწესებულების თანამშრომლებზე თავდასხმას

სალია - პატიმრის შემოწმებასა და დათვალიერებას, ამ პროცედურას კი გიორგი დავითაძე ეწინააღმდეგებოდა

მოსკოვში მიტინგზე დაახლოებით 60 ადამიანი დააკავეს, რომლებიც სკანდირებდნენ „სამართლიანი არჩევნებისთვის“ და „ძირს მეფე“