დნეპროპეტროვსკის რეგიონული სამხედრო ადმინისტრაციის უფროსის, ალექსანდრ განჟას თქმით, კრივოი როგში სავაჭრო ცენტრზე რუსული დარტყმის შედეგად დაღუპულთა რიცხვი 14-მდე გაიზარდა. მისი თქმით, 121 ადამიანი დაშავდა, მათ შორის 22 ბავშვი. დაშავებულთაგან 29, მათ შორის ხუთი ბავშვი, მძიმე მდგომარეობაშია.

უკრაინის პრეზიდენტმა ვოლოდიმირ ზელენსკიმ თავდასხმას „მიზანმიმართული და საზიზღარი“ უწოდა და ხაზი გაუსვა, რომ დრონებმა ობიექტს ორჯერ დაარტყა - მეორე დარტყმა მაშინ მოხდა, როდესაც მაშველები და სასწრაფო დახმარების სამსახურები უკვე ადგილზე იმყოფებოდნენ. „ამჟამად კრივოი როგში სამაშველო ოპერაცია მიმდინარეობს სავაჭრო ცენტრზე დარტყმის შემდეგ. მობილიზებულია ყველა საჭირო ძალა. სამწუხაროდ, ბევრი დაშავდა. ეს იყო რამდენიმე რუსული დრონის დარტყმა. მიზანმიმართული, საზიზღარი... რუსების მხრიდან აბსოლუტური სისასტიკე. ისინი უბრალოდ ნაძირლები არიან. ჩვენ აუცილებლად ვუპასუხებთ“, - განაცხადა სახელმწიფოს მეთაურმა. მან ასევე მოუწოდა საერთაშორისო საზოგადოებას, არ გაჩუმდნენ რუსეთის თავდასხმებზე და დასძინა, რომ „ამ რუსულ ომს უნდა დასრულდეს“.

21 აგვისტოს, შუადღისას, რუსეთის არმიამ კრივოი როგში სავაჭრო ცენტრს დაარტყა. თავდაპირველად, ორი დაღუპულის და 50-ზე მეტი დაშავებულის შესახებ იტყობინებოდა, თუმცა დაღუპულთა რიცხვი მალევე მკვეთრად გაიზარდა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

გერმანიამ უკრაინული რაკეტების შესყიდვის განხილვა დაიწყო

უკრაინის შეიარაღებული ძალების გენერალურმა შტაბმა იეისკში ნავთობტერმინალზე დარტყმის შესახებ განაცხადა

უკრაინამ სამარის რეგიონში ოზონის საწყობები და ნავთობგადამამუშავებელ ქარხნები დაბომბა

ჯონსი ოცნებისთვის მიუღებელია, რადგან არ არის აფილირებული ივანიშვილის სტრატეგიულ კურსთან - პროფესორები ჰარვარდში ქართველოლოგიის დახურვაზე