2026-08-08 14:26:58, 950 ნახვა

---

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

უკრაინა დათანხმდა, რომ არ დაესხმება თავს რუსეთთან არ დაკავშირებული გარკვეულ ნავთობტანკერებს, ასევე შავი ზღვის კრიტიკულ ინფრასტრუქტურას, რომელიც ყაზახური ნავთობის ექსპორტისთვის გამოიყენება, იტყობინება Bloomberg აშშ-ის ოფიციალურ პირზე დაყრდნობით.

თანამდებობის პირის თქმით, შეთანხმება მიღწეული იქნა გასულ თვეში გემებზე თავდასხმების შემდეგ, რამაც ნავთობის ჩატვირთვა შეაჩერა.

უკრაინამ შექმნა სპეციალური საკომუნიკაციო არხები, რომელთა მეშვეობითაც კომერციული გადაზიდვების კომპანიები შეძლებენ საჭირო ინფორმაციის გადაცემას და გემების უსაფრთხო გავლის უზრუნველყოფას, განაცხადა ოფიციალურმა პირმა. მან ისაუბრა ანონიმურობის პირობით, რადგან შეთანხმება კონფიდენციალურია.

შეთანხმება ეხება ინფრასტრუქტურას და გემებს, რომლებიც კრიტიკულია ყაზახური ნავთობის შავი ზღვის გავლით ექსპორტისთვის.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი