ირანის უსაფრთხოების მაღალჩინოსანმა განაცხადა, რომ ამერიკული მედიის ცნობები ირანის ინფრასტრუქტურაზე აშშ-ისა და ისრაელის შესაძლო ახალი თავდასხმების შესახებ "სიგიჟეა", წერს Tasnim.

მისი თქმით, თეირანმა უკვე მოამზადა მასშტაბური რეაგირების გეგმა.

”ჩვენ მიგვაჩნია, რომ ამერიკული მედიის განცხადებები შეერთებული შტატების და სიონისტური რეჟიმის შესაძლო თავდასხმების შესახებ ირანის ინფრასტრუქტურაზე სიგიჟის გამოვლინებადაა. ჩვენ მოვამზადეთ ამბიციური საპასუხო გეგმა, რომელიც მოიცავს თავდასხმებს რეგიონში სიონისტური რეჟიმის სასიცოცხლო ინფრასტრუქტურაზე და აშშ-ის ენერგეტიკულ ობიექტებზე.

მან დასძინა, რომ ირანის შეიარაღებულმა ძალებმა უკვე აჩვენეს თავიანთი შესაძლებლობები და მზადყოფნა მსგავსი ქმედებებისთვის.

„ირანის შეიარაღებულმა ძალებმა - როგორც 40-დღიანი ომის დროს, ასევე ბოლო კვირების განმავლობაში - აჩვენეს, რომ მათ აქვთ შესაძლებლობები და მტკიცე გადაწყვეტილება ასეთი ქმედებების განსახორციელებლად“, - ხაზგასმით აღნიშნა ირანის უსაფრთხოების ძალების წარმომადგენელმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

ქრისტიანობის 1700 წლისთავის აღსანიშნავად გაიხსნა სიმპოზიუმი სახელწოდებით „ღმერთი, სამშობლო, ადამიანი“

ტრამპის პარტიაში მკაცრად აკრიტიკებენ მის გამონათქვამებს ზელენსკიზე

რუსეთი საქართველოს კვლავ მოუწოდებს ოკუპირებული ტერიტორიების ე.წ საზღვრების დემარკაციისკენ

რეზო კიკნაძე - ციხემ დედაჩემის და ორი ყველაზე ახლობლის ნომერი დაბლოკა - ბოლო ორი თვე ზარების გარეშე დამტოვეს