24 ივნისს ევროპარლამენტში გაფართოების საკითხებზე საპარლამენტთაშორისო კომიტეტის სხდომა იმართება, რომელზეც საქართველო მიწვეული არ არის. ამის შესახებ კომენტარი მედიასთან ირაკლი კობახიძემ ჟურნალისტის შეკითხვის საპასუხოდ გააკეთა.

„ჩვენ სხვადასხვა მიმართულებით ვაწარმოებთ პოლიტიკას არაღიარების მიმართულებით და ევროპარლამენტის წინააღმდეგაც მზად ვართ, ასეთი პოლიტიკა ვაწარმოოთ. თქვენ იცით, რომ,მაგალითად, რუსეთის ფედერაცია და კიდევ 4 სახელმწიფო არ აღიარებს საქართველოს სუვერენიტეტს აფხაზეთისა და ცხინვალის რეგიონის მიმართ. ანალოგიურად, ევროპარლამენტი არ აღიარებს საქართველოს სუვერენიტეტს საქართველოს მთელ ტერიტორიაზე. ნუ ეს მათი საქმეა, ჩვენ ვაწარმოებთ არაღიარების პოლიტიკას.

როდესაც ხალხის მიერ არჩეულ ხელისუფლებას არ აღიარებ, ბუნებრივია ეს ნიშნავს თავდასხმას ქვეყნის სუვერენიტეტზე… ჩვენ ამ პოლიტიკას დავუპირისპირდებით. ჩვენი ამოცანაა, ყველამ აღიაროს საქართველოს სუვერენიტეტი და ტერიტორიული მთლიანობა – როგორც რუსეთის დუმამ, ისე ევროპარლამენტმა. მე მგონი, ძალიან დაახლოვდნენ, უფრო მეტიც, საბჭოთა კავშირის უზენაეს საბჭოს ძალიან წააგავს ევროპარლამენტი დღევანდელი მდგომარეობით, დღევანდელი სულისკვეთებით, იმ საბჭოური მიდგომებით, რომლითაც ისინი მუშაობენ, ეს არის ტრაგიკული მდგომარეობა”. – თქვა ირაკლი კობახიძემ.

ევროპარლამენტის პრესსამსახურმა „ევროსკოპს” განუცხადა, რომ ევროპარლამენტი არ აღიარებს საქართველოს პარლამენტის ლეგიტიმურობას და არც მის მიერ დანიშნული პრეზიდენტის.

ევროპარლამენტში შეხვედრას ევროკავშირის წევრი სახელმწიფოებისა და გაფართოების ქვეყნების ეროვნული პარლამენტების 50-ზე მეტი წევრი დაესწრება.

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება