აშშ-ის პრეზიდენტმა რესპუბლიკელი სენატორი მარკვეინ მალინი შიდა უსაფრთხოების მდივნის თანამდებობაზე წარადგინა. ამ თანამდებობას ამჟამად კრისტი ნოემი იკავებს, რომელიც მარტის ბოლოს დატოვებს პოსტს. ნოემი, რომელიც მკაცრ იმიგრაციულ პოლიტიკას ატარებდა, თანამდებობას იმიგრაციის სამსახურის თანამშრომლების მიერ, მინეაპოლისში აშშ-ის ორი მოქალაქის, რენე გუდისა და ალექს პრეტის მკვლელობის სკანდალის ფონზე ტოვებს.

 Truth Social-ზე გამოქვეყნებულ პოსტში ტრამპმა მადლობა გადაუხადა ნოემს გაწეული საქმიანობისთვის, სენატორ მალინს კი „MAGA მეომარი“ უწოდა რომელსაც „სრულყოფილად ესმის ადამიანებს და აქვს სიბრძნე და გამბედაობა, რაც ჩვენი [აშშ] წინსვლისთვისაა საჭირო“.

 მარკვეინ მალინის კანდიდატურა სენატმა უნდა დაამტკიცოს.

 მალინი წარსულში ქართულ ოცნებას აკრიტიკებდა, 2020 წელს ივანიშვილს პუტინის მოკავშირეც უწოდა. მოგვინებით, სენატორი მარკვეინ მალინი  „მეგობარი აქტის“ მიღებას აფერხებდა. ჟურნალისტ ალექს რაუფოღლუს მიერ 2025 წლის სექტემბერში გავრცელებული ინფორმაციით, ის ერთ-ერთი იყო იმ ორი სენატორიდან, რომლებმაც ხელი შეუშალეს MEGOBARI ACT-ის ჩართვას აშშ-ის ეროვნული თავდაცვის ავტორიზაციის აქტში (NDAA).

ავტორი: ექსპრესნიუსი,

სოციალური ქსელები

ევროკომისიამ საქართველოს დიპლომატიური პასპორტებისთვის უვიზო მიმოსვლა საბოლოოდ შეაჩერა

ComCom: ავამოქმედებთ კანონებს, მოვუწოდებთ მაუწყებლებს, დაიცვან ობიექტურობის სტანდარტი

აზერბაიჯანმა ირანიდან დიპლომატიური პერსონალის გაყვანის გადაწყვეტილება მიიღო

საქართველოში რუსეთის ინტერესთა სექციის ხელმძღვანელმა ხამენეის სამძიმრის წიგნში ჩანაწერი დატოვა