ევროკავშირმა ახალი სადისკუსიო დოკუმენტი შეიმუშავა, რომელიც რუსეთ-უკრაინის ომის თაობაზე მიმდინარე მოლაპარაკებებს ეხება, კერძოდ, თუ რა დათმობებზე უნდა წავიდეს რუსეთი უკრაინის საკითხზე მოლაპარაკებების ფარგლებში.

რადიო თავისუფლების (RFE/RL) საგარეო ქმედებათა სამსახური წერს, რომ ევროკავშირის შიდა დოკუმენტი მოიცავს მოთხოვნას, რომ მოსკოვმა ფართო შეთანხმების ფარგლებსი, რომელიც უკრაინაში ომის დასრულებას ისახავს მიზნად, გაიყვანოს თავისი ჯარები მეზობელი ქვეყნებიდან, მათ შორის - საქართველოდან.

RFE/EL-ის ევროპის ბიუროს რედაქტორი რიკარდ იოზვიაკი თავის ყოველკვირეულ საინფორმაციო ბიულეტენში წერს, რომ დოკუმენტი, სახელწოდებით - "ევროპის ძირითადი ინტერესები ყოველისმომცველი, სამართლიანი და მდგრადი მშვიდობისა და კონტინენტის უსაფრთხოების უზრუნველყოფაში", მოითხოვს - "რუსეთის სამხედრო ყოფნისა და განლაგების აკრძალვას ბელარუსში, უკრაინაში, მოლდოვას რესპუბლიკაში, საქართველოსა და სომხეთში".

რუსეთის საოკუპაციო ძალები განთავსებული არიან საქართველოს ოკუპირებულ რეგიონებში - აფხაზეთსა და ცხინვალში (სამხრეთ ოსეთი), ასევე დნესტრისპირეთში (მოლდოვა), სომხეთსა და ბელარუსში.

რიკარდ იოზვიაკის თანახმად, დოკუმენტში ხაზგასმით არის აღნიშნული, რომ თუ უკრაინას მოეთხოვება ჯარების რაოდენობის შეზღუდვა ან გარკვეული ტერიტორიებიდან მათი გაყვანა - როგორც ეს აშშ-ის შუამავლობით მიმდინარე მოლაპარაკებებში განიხილება - რუსეთმაც უნდა გადადგას ანალოგიური ნაბიჯები.

ასევე RFE/RL-ის ცნობით, ნათქვამია, რომ არ უნდა მოხდეს უკრაინის ოკუპირებული ტერიტორიების ფორმალური აღიარება, რაც ასახავს ევროკავშირის ხანგრძლივ არაღიარების პოლიტიკას, რომელიც საქართველოს ოკუპირებულ რეგიონებზეც ვრცელდება.

რიკარდ იოზვიაკი წერს, რომ დოკუმენტი ასევე მოუწოდებს რუსეთს, შეწყვიტოს დეზინფორმაცია, დივერსიები, კიბერთავდასხმები, საჰაერო სივრცის დარღვევები და არჩევნებში ჩარევა ევროპასა და მეზობელ ქვეყნებში - საკითხები, რომლებიც ხშირად საქართველოსაც შეხებია.

რიკარდ იოზვიაკის ინფორმაციით, ევროკავშირის საგარეო და უსაფრთხოების საკითხებში უმაღლესმა წარმომადგენელმა კაია კალასმა უკვე გაუზიარა დოკუმენტი წევრ სახელმწიფოებს - EU-ის საგარეო საქმეთა მინისტრებმა შესაძლოა დოკუმენტის გარკვეული ნაწილები 23 თებერვალს ბრიუსელში განიხილონ.

მიუხედავად იმისა, რომ ევროკავშირს და ცალკეულ ევროპულ ქვეყნებს მონაწილეობა არ მიუღიათ უკრაინაში ომის დასრულების მიზნით მიმდინარე მოლაპარაკებებში, დოკუმენტში ხაზგასმულია, რომ მშვიდობა და უსაფრთხოება შეუძლებელია - "მოლაპარაკებების მაგიდასთან ევროკავშირის გარეშე და ევროკავშირის ძირითადი ინტერესების გათვალისწინების გარეშე". 

ავტორი: ექსპრესნიუსი,

სოციალური ქსელები

2014 წლის შემდეგ პირველად, რუსები პარალიმპიური თამაშების გახსნის ცერემონიაზე საკუთარი დროშით გამოვიდნენ

ჟურნალისტებს, რომლებიც აქციას აშუქებდნენ, რეჟიმის შსს გზის გადაკეტვას ედავება

ფიშერი - სამწუხაროა, რომ საქართველოს მთავრობამ საქმე აქამდე მიიყვანა

შვედეთის საგარეო - მოვუწოდებთ საქართველოს ხელისუფლებას, შეცვალოს თავისი ავტორიტარული კურსი